సినిమాలో బంపర్ ఛాన్స్ ఇప్పిస్తానంటూ ఓ వ్యక్తి మోడల్ పైన అత్యాచారం చేసాడు. ముంబైలో నివాసం వుండే ఇతడికి ఢిల్లీలో వుంటున్న మోడల్‌తో పరిచయం అయింది. నువ్వు సినిమాల్లో సూపర్ గా ఫిట్ అవుతావనీ, ఆఫర్ వుందని ఆమెకి మాయ మాటలు చెప్పి ఏకంగా ఢిల్లీకి వచ్చి ఆమెపై అత్యాచారం చేసాడు.
పూర్తి వివరాలు చూస్తే... ఢిల్లీలో నివాసం వుంటున్న మోడల్ తన సినీ డ్రీమ్ సాకారం చేసుకోవాలని ప్రయత్నిస్తోంది. ఈ క్రమంలో ఆమెకి ముంబైకి చెందిన ఓ వర్థమాన ప్రొడ్యూసర్ అంటూ చెప్పుకున్న ఓ వ్యక్తి పరిచయమయ్యాడు. ఆమెతో రోజూ చాటింగ్ చేస్తూ నమ్మించాడు. ఢిల్లీలో ఓ పెళ్లి వుందని, ఈ నెల 23వ తేదీ వస్తున్నట్లు చెప్పాడు.
అనుకున్నట్లే ఢిల్లీ వచ్చి తన కుటుంబాన్ని హోటల్ లో దింపి ఆమెకి ఫోన్ చేసాడు. తన స్నేహితుడి ఇంటి వద్ద కలుద్దామని చెప్పాడు. ఐతే అందుకు ఆమె ససేమిరా అంగీకరించలేదు. దాంతో తను ఖాన్ మార్కెట్ ప్రాంతంలో వున్నట్లు చెప్పాడు. దాంతో ఆమె అక్కడికి వెళ్లింది. ఆమెకి అల్పాహారం ఇప్పిస్తూ తీయటి మాటలు చెప్పి తన దారిలోకి తెచ్చుకున్నాడు.
ఆ తర్వాత పక్కనే వున్న మరో హోటల్ గదికి తీసుకుని వెళ్లి ఆమెపై అత్యాచారం చేశాడు. ముంబై వెళ్లిపోయి ఫోన్ స్విచాఫ్ చేసేశాడు. దీనితో తను మోసపోయానని గ్రహించిన యువతి పోలీసులను ఆశ్రయించింది. ఘటనపై కేసు నమోదు చేసుకున్న పోలీసులు నిందితుడిని పట్టుకునేందుకు రంగంలోకి దిగారు.