కర్ణాటకలో భార్య వేధింపులకు ఓ భర్త ఆత్మహత్య చేసుకున్నాడు. తన భార్య తనను రోజూ కొట్టి వేధిస్తుందని ఆ వ్యక్తి ఆత్మహత్యకు పాల్పడ్డాడు. కర్ణాటకలోని హుబ్లి నగరంలో దారుణమైన చోటు చేసుకుంది. వివరాల్లోకి వెళితే.. అతుల్ సుభాష్ తరహాలోనే పీటర్ అనే వ్యక్తి ఆత్మహత్యకు పాల్పడ్డాడు.
కర్ణాటకలోని హుబ్లి నగరం చాముండేశ్వరి నగర్‌లో పీటర్, పింకీ అనే దంపతులు నివాసముంటున్నారు. పీటర్ ఒక ప్రైవేట్ కంపెనీలో పనిచేస్తున్నాడు. అయితే గత కొన్ని రోజులుగా భార్యాభర్తల మధ్య తరచూ గొడవలు జరుగుతున్నాయి. ఈ క్రమంలోనే తీవ్ర మనస్తాపానికి గురైన పీటర్ ఉరేసుకుని ఆత్మహత్య పాల్పడ్డాడు.
ఇంకా నాన్నకు సూసైడ్ నోట్ రాశాడు. తన మరణానికి తన భార్య పింకీ కారణమని పీటర్ ఆరోపించాడు. తన భార్య చిత్రహింసలు భరించలేక చనిపోయినట్లు సమాచారం. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు.