గౌహతీ ఎక్స్ ప్రెస్ శనివారం ఉదయం పట్టాలు తప్పింది. అదీ ఎక్కడో తెలుసా.. బ్రిడ్జీపైన. అయితే అప్పటికి పెద్దగా వేగం లేకపోవడం ప్రమాదం తప్పింది. కానీ రైలు పట్టాలు తప్పిన కారణంగా 20 మంది ప్రయాణీకులు గాయపడ్డారు. వివరాలిలా ఉన్నాయి.
గౌహతీ-సిప్ హుంగ్ ఎక్స్ ప్రెస్ శనివారం ఉదయం అస్సాంలోని కోక్రాజహార్, బాసుగౌన్ ప్రాంతంలో బ్రిడ్జి దాటుతున్న సమయంలో ఆకస్మాత్తుగా రైలు బోగీలు అదుపుతప్పాయి. ఈ ప్రమాదంలో డ్రైవర్ సహా పలువురు ప్రయాణికులు గాయపడ్డారు.
గౌహతీ-సిప్ హుంగ్ ఎక్స్ ప్రెస్ ఉత్తర బెంగాల్, అలీపురద్వర్ నుంచి బయలుదేరి గువహటి వెళుతుండగా ఈ దుర్ఘటన చోటుచేసుకుంది. క్షతగాత్రులను చికిత్స నిమిత్తం ఆస్పత్రికి తరలించినట్టు సమాచారం. ఇందుకు సంబంధించి పూర్తి వివరాలు తెలియాల్సి ఉంది.