గుర్గావ్‌లో ఘోరం జరిగింది. యువతలో మంచి గుర్తింపు తెచ్చుకున్న అంచల్ అరోరా అమెరికన్ స్టార్ స్క్రిలెక్స్ కార్యక్రమంలో నృత్యం చేసేందుకు తన స్నేహితులతో కలిసి వచ్చింది. అయితే కేవలం 8వేల మంది ప్రజలు పట్టేందుకు వీలున్న గ్రౌండ్లోకి 10వేల మందికి పైగా అనుమతించడం ద్వారా మహిళా టెక్కీ, డ్యాన్సర్ అయిన అంచల్ ప్రాణం గాలిలో కలిసిపోయింది.
23 ఏళ్ల అంచల్ స్టార్ స్క్రిలెక్స్‌లో డ్యాన్స్ చేస్తూ కిందపడిపోయింది. స్నేహితులు చికిత్స కోసం ఆసుపత్రికి తరలించగా.. అరోరా ఊపిరాడక, గుండెనొప్పితో మరణించినట్లు వైద్యులు చెప్పారు. ఈ కార్యక్రమం ఇటీవలి కాలంలో బాగా పాపులర్ అయ్యింది. అధిక సంఖ్యలో యువతీ యువకులు రావడం, అందుకు తగిన ఏర్పాట్లు చేయడంలో నిర్వాహకులు విఫలం కావడమే అరోరా మరణానికి కారణమని పోలీసులు చెప్పారు.