సాంస్కృతిక శాఖ సిబ్బందికి డ్రెస్ కోడ్ అంటూ గోవా ప్రభుత్వం జారీ చేసిన ఆదేశాలపై ఆ రాష్ట్ర కాంగ్రెస్ శాసనసభ్యుడు అలెక్సియో రెజినాల్డో లౌరెంకో తీవ్రంగా స్పందించారు. అంతేగాక, వివాదాస్పద వ్యాఖ్యలు కూడా చేశారు. మహిళలు బికినీలు ధరించి ఆఫీసులకు వచ్చేలా అనుమతి ఇవ్వాలంటూ గోవా కాంగ్రెస్ ఎమ్మెల్యే ఆ రాష్ట్రంలోని బీజేపీ ప్రభుత్వానికి విజ్ఞప్తి చేశారు.
ఇదే అంశంపై ఆయన గురువారం మాట్లాడుతూ.. ఉద్యోగులు వారికి ఇష్టమైన దుస్తులతో వచ్చేందుకు వెసులుబాటు కల్పించాల్సిందేనని ఆయన డిమాండ్ చేశారు. ఈ క్రమంలో ఆయన వివాదాస్పద వ్యాఖ్యలూ చేశారు. ‘ఉద్యోగులు వారికిష్టమైన దుస్తులు ధరించే వెసులుబాటు కల్పించాలి. చివరకు బికినీతో వచ్చినా అనుమతించాల్సిందే’ అంటూ వ్యాఖ్యానించారు.