నేను చూస్తూవుంటా.. మీరు శృంగారం చేయండి... పిల్లలు పుడతారు.. థానేలో దొంగబాబా సలహా

మహారాష్ట్రలోని థానేలో ఓ దొంగబాబా లీలలు వెలుగులోకి వచ్చాయి. వివాహమై కొన్నేళ్ళు గడిచినా పిల్లలు పుట్టని ఓ జంటను ఆ దొంగబాబా ఎలా మోసం చేశాడన్నది తాజాగా వెలుగులోకి వచ్చింది.

మహారాష్ట్రలోని థానేలో ఓ దొంగబాబా లీలలు వెలుగులోకి వచ్చాయి. వివాహమై కొన్నేళ్ళు గడిచినా పిల్లలు పుట్టని ఓ జంటను ఆ దొంగబాబా ఎలా మోసం చేశాడన్నది తాజాగా వెలుగులోకి వచ్చింది. తాను చూస్తుండగా శృంగారంలో పాల్గొంటే మీకు పిల్లలు పుడతారని చెప్పడమే కాకుండా, వారితో అలా చేయించాడు కూడా. ఆ తర్వాత తాను కూడా ఆ మహిళతో శృంగారం చేసేందుకు ప్రయత్నించి.. కటకటాల పాలయ్యాడు. ఈ వివరాలను పరిశీలిస్తే... 

మహారాష్ట్ర, థానేలోని సర్వర్కర్ నగర్‌కు చెందిన 29 ఏళ్ల మహిళకు చాలా సంవత్సరాల క్రితం పెళ్లయింది. అయితే పెళ్లయి ఇన్నాళ్లయినా పిల్లలు లేకపోవడంతో తమ ప్రాంతంలో ఉండే ఓ బాబా దగ్గరకు వెళ్లి.. తన సమస్యను చెప్పుకుంది. దీనికి పరిష్కార మార్గం సూచించమని బాబాను ఆశ్రయిస్తే భర్తతో కలిసి రావాలని సూచించాడు. 

దీంతో ఆమె తన భర్తను వెంటబెట్టుకుని బాబా దగ్గరకు ఆ మహిళ వచ్చింది. కొద్దిసేపు ఏవేవో పూజలు చేశాక.. తాను చూస్తుండగా శృంగారంలో పాల్గొనాలని సలహా ఇచ్చాడు. ఇది విన్న ఆ దంపతులకు దిమ్మతిరిగినంతపనైంది. తన ముందు శృంగారం చేస్తే ఖచ్చితంగా పిల్లలు పుడతారని నమ్మపలికాడు.

పిల్లలపై ఎంతో ఆశపెట్టుకున్న ఆ జంట.. స్వామీజీ చూస్తుండగా... శృంగారంలో పాల్గొన్నారు. కొద్దిసేపటి తర్వాత పూజ చేయాలని బయటికెళ్లాలని భర్తకు సూచించాడు. ఆమెను గదిలో వదిలివెళ్లిన భర్తకు కొద్దిసేపటికి అరుపులు వినిపించాయి. ఆ మహిళతో శృంగారంలో పాల్గొనేందుకు బాబా ప్రయత్నించడంతో ఆమె బిగ్గరగా కేకలు పెట్టింది. ఆ తర్వాత తన భర్త సహకారంతో స్థానిక పోలీసులకు ఫిర్యాదు చేయడంతో దొంగబాబా కటకటాలపాలయ్యాడు.