తమిళ సినీ ఇండస్ట్రీలో తనకంటూ ఓ గుర్తింపు తెచ్చుకున్న నటుడు విజయ్ కాంత్. ఆ తర్వాత ఆయన డీఎండికె పార్టీని స్థాపించారు. అనంతరం అనేక ఆటుపోట్లకు గురయ్యారు. ఆ తర్వాత తీవ్ర అనారోగ్యానికి గురయ్యారు. అప్పట్నుంచి ఆయన పార్టీ ఎన్నికల్లో అంత ప్రభావం చూపించడంలేదు. రానున్న పార్లమెంటు ఎన్నికల నేపధ్యంలో డీఎండీకె వర్కింగ్ కమిటీ, జనరల్ కమిటీ సమావేశం జరిగింది. ఈ సమావేశంలో డీఎండీకే అధ్యక్షుడు విజయకాంత్ పాల్గొన్నారు.
డీఎండీకె జనరల్ సెక్రటరీగా ప్రేమలత విజయకాంత్ నియమితులయ్యారు. ఈ సమావేశంలో 15 తీర్మానాలను ఆమోదించారు. వాటిలో విజయకాంత్ ఆరోగ్యంపై వదంతులు ప్రచారం చేస్తున్న వారిపై పోలీసులకు ఫిర్యాదు చేయాలని నిర్ణయం తీసుకున్నారు. పార్లమెంటరీ ఎన్నికల్లో పొత్తుపై నిర్ణయం తీసుకునే అధికారంపై చర్చించి నిర్ణయం తీసుకుంటామని వెల్లడించారు.