బీహార్ రాష్ట్ర శాసనసభకు జరిగిన ఎన్నికల్లో మహాకూటమికి దక్కిన విజయం దేశ భవిష్యత్ మార్పుకు నాంది అంది జమ్మూకాశ్మీర్ మాజీ ముఖ్యమంత్రి ఒమర్ అబ్దుల్లా అన్నారు. బీహార్ ఫలితాలపై ఆయన స్పందిస్తూ... ‘దేశం క్లిష్ట పరిస్థితిలో ఉందని మహాకూటమి విజయం నిరూపించింది. ఈ కూటమి నేతలు సాధించిన విజయం చాలా గొప్పది. అందుకు హృదయ పూర్వక అభినందనలు తెలుపుతున్నాను’ అంటూ ట్వీట్ చేశారు.
బీహార్ ఎన్నికల్లో మహాకూటమి సంపూర్ణ ఆధిక్యాన్ని సాధించడం పట్ల ఆయన సంతోషం వ్యక్తంచేశారు. బీహార్ అసెంబ్లీ ఎన్నికల్లో మహాకూటమి అభ్యర్థులు మధ్యాహ్నం 2.45 గంటల ప్రాంతంలో 71 చోట్ల గెలుపొందగా, ఎన్డీయే కూటమి అభ్యర్థులు 21 చోట్ల, ఇతరులు 5 స్థానాల్లో గెలుపొందారు. దీంతో బీహార్‌లో మహాకూటమి నేతలు, కార్యకర్తలు సంబరాల్లో మునిగి తేలుతున్న విషయం తెలిసింది.