అసోంలో ఓ భారీ కాల‌నాగు (కింగ్ కోబ్రా) క‌ల‌క‌లం సృష్టించింది. నగావ్ ఏరియాలోని ఓ తేయాకు తోటలో 16 అడుగుల పొడ‌వున్న భారీ న‌ల్ల‌త్రాచును చూసి స్థానికులు భ‌యాందోళ‌న‌కు గుర‌య్యారు. వెంట‌నే స్నేక్ సొసైటీ వారికి స‌మాచారం ఇవ్వ‌గా వారు ఘ‌ట‌నా ప్రాంతానికి చేరుకుని ఆ కింగ్ కోబ్రాను గోనె సంచిలో బంధించారు.
అనంత‌రం దాన్ని స‌మీప అటవీ ప్రాంతంలో వ‌దిలేశారు. గోనెసంచిలో బంధించిన అనంత‌రం ఆ పామును తూకం వేయ‌గా 20 కిలోల బరువు తూగ‌డం గ‌మ‌నార్హం. రాజ నాగాన్ని పట్టుకునేందుకు అటవీ శాఖ అధికారులు నానా తంటాలు పడ్డారు.