తమిళ సూపర్ స్టార్ రజనీ కాంత్‌ను కలిసిన సినీ నటి నగ్మా దాదాపు గంటపాటు భేటీ అయ్యింది. మహిళా కాంగ్రెస్ జాతీయ ప్రధాన కార్యదర్శి అయిన నగ్మ సోమవారం డీఎంకే కార్య నిర్వాహక అధ్యక్షుడు స్టాలిన్‌తో అరగంట పాటు భ
తమిళ సూపర్ స్టార్ రజనీ కాంత్‌ను కలిసిన సినీ నటి నగ్మా దాదాపు గంటపాటు భేటీ అయ్యింది. మహిళా కాంగ్రెస్ జాతీయ ప్రధాన కార్యదర్శి అయిన నగ్మ సోమవారం డీఎంకే కార్య నిర్వాహక అధ్యక్షుడు స్టాలిన్‌తో అరగంట పాటు భేటీ అయ్యారు. తమిళ రాజకీయాలపై పూర్తి స్థాయిలో దృష్టిని కేంద్రీకరించిన ఆమె.. స్టాలిన్‌ను కలవడం కొత్త చర్చ తెరలేపింది. అన్నా అరివాలయంకు వచ్చిన నగ్మాకు స్టాలిన్ స్వాగతం పలికారు. అయితే మర్యాద పూర్వకంగానే స్టాలిన్‌ను కలిసినట్టు నగ్మా వెల్లడించారు. కానీ తాజా రాజకీయ పరిస్థితులపై వీరిద్దరూ చర్చించుకున్నట్టు సమాచారం.
ఇదిలా ఉంటే.. అఖిల భారత మహిళా కాంగ్రెస్ ప్రధాన కార్యదర్శి, నటి నగ్మా ఆదివారం సూపర్ స్టార్ రజనీకాంత్‌ను కలిశారు. ఆయనకు శాలువా కప్పి, పుష్పగుచ్ఛంతో సత్కరించారు. వారిద్దరు ఏం మాట్లాడుకున్నది తెలియరాలేదు. మర్యాదపూర్వకంగానే రజనీకాంత్‌ను కలిసినట్లు నగ్మా వెల్లడించారని చెప్తున్నారు. పుదుచ్చేరి లెఫ్టినెంట్ గవర్నర్ కిరణ్ బేడీపై తీవ్రస్థాయిలో మండిపడిన మరుసటి రోజే నగ్మా.. రజనీని కలవడం ప్రాధాన్యతను సంతరించుకుంది.