కొడుకు ప్రియురాలిని పెళ్లాడిన తండ్రి... ఎందుకో తెలిస్తే షాకవుతారు...

కొడుకు ప్రేమించి మోసం చేసిన యువతిని తండ్రి వివాహం చేసుకున్న సంఘటన కేరళలో చోటుచేసుకుంది. కొట్టాయం జిల్లాలోని తిరునక్కారం గ్రామంలో షాజి అనే వ్యక్తి, అతని కుమారుడు కలిసి జీవిస్తున్నారు. అయితే షాజీ కొడుకు ఓ యువతిని ప్రేమించి, పెళ్లి చేసుకుంటానని కూడా ఆమెకు మాటిచ్చాడు. ఇంతలో తన కొడుకు ప్రేమ విషయం షాజీకి తెలిసింది. 

అయితే అప్పటికి వారిద్దరూ మైనర్లు కావటంతో మేజర్లు అయ్యాక ఇద్దరికీ పెళ్లి చేస్తానని షాజీ వారికి హామీ ఇచ్చాడు. వారిద్దరూ మేజర్లయ్యాక షాజీ కుమారుడు మరో యువతిని ప్రేమించాడు. ఇది తెలిసిన మొదటి ప్రియురాలు అతన్ని నిలదీసినా అవేమీ పట్టించుకోకుండా యువతిని గెంటివేశాడు.

ఈ విషయం ఊరంతా తెలియడంతో యువతి కుటుంబ సభ్యులు ఊళ్లో తలెత్తుకోలేని పరిస్థితి ఏర్పడింది. యువతి తల్లిదండ్రులు కూడా ఆమెను ఇంటి నుంచి గెంటివేసి, తమకు కూతురు లేదంటూ తెగేసి చెప్పారు. ఇంటి నుంచి గెంటివేయబడి ఆ యువతి ఒంటరి కావడంతో షాజీ తన కొడుకుని, అతని మొదటి ప్రియురాలిని కూర్చోబెట్టి వారి మధ్య రాజీ కుదిర్చే ప్రయత్నం చేశాడు. 

అయినా ఫలితం లేకపోవడంతో షాజీ బాగా ఆలోచించి, యువతికి న్యాయం చేయాలని భావించి ఆమెనే పెళ్లి చేసుకోవాలనుకున్నాడు. దీనికి ఆమె అనుమతి కూడా తీసుకున్నాడు. అంతేకాకుండా తన ఆస్తిని పూర్తిగా ఆమె పేరిటే రాసిచ్చి కొడుక్కి షాక్ ఇచ్చాడు.