ప్రపంచ మార్కెట్లోకి నోకియా సీ1 ప్లస్ వచ్చేసింది. నోకియా నుంచి వచ్చిన ఎంట్రీ లెవెల్ స్మార్ట్‌ఫోన్ ఇది. ప్రస్తుతం యూరప్ మార్కెట్‌లో రిలీజైంది. నోకియా సీ1 ప్లస్ స్మార్ట్‌ఫోన్ ఆండ్రాయిడ్ 10 గో ఆపరేటింగ్ సిస్టమ్‌తో పనిచేస్తుంది. అంటే ఇందులో ఉండే ఆండ్రాయిడ్ యాప్స్ అన్నీ లైట్ వర్షన్‌లో ఉంటాయి.
ఇది బేసిక్ స్మార్ట్‌ఫోన్ కాబట్టి యాప్స్ సైజ్ చాలా తక్కువగా ఉంటుంది. ఈ ఫోన్ ఇండియాలో ఎప్పుడు రిలీజ్ అవుతుందన్న స్పష్టత లేదు. అయితే ఇండియాలో నోకియా సీ1 ప్లస్ బడ్జెట్ కేటగిరీలోని స్మార్ట్‌ఫోన్లకు గట్టి పోటీ ఇవ్వనుంది. 4జీ నెట్వర్క్ సపోర్ట్ చేస్తుంది. యూరప్‌లో నోకియా సీ1 ప్లస్ సేల్ ఈ నెలలోనే ప్రారంభం కానుంది.