భారత్ మొబైల్ మార్కెట్‌లోకి రోజురోజుకీ సరికొత్త స్మార్ట్‌ఫోన్‌లు విడుదలవుతున్నాయి. ఇప్పటికే రియల్‌మి, షావోమీ సంస్థలు ఈ వారంలో మూడు కొత్త స్మార్ట్‌ఫోన్‌లను విడుదల చేసాయి. తాజాగా మోటోరోలా కంపెనీ నుండి మరో కొత్త స్మార్ట్‌ఫోన్ విడుదలైంది. మోటోరోలా వన్ యాక్షన్ పేరుతో కొత్త స్మార్ట్‌ఫోన్ మార్కెట్‌లోకి విడుదలైంది.
ఇది ఆండ్రాయిడ్ వన్ స్మార్ట్‌ఫోన్. ఇందులో 21:9 వైడ్‌స్క్రీన్ డిస్‌ప్లే, ట్రిపుల్ కెమెరా సెటప్ వంటి ప్రత్యేకతలున్నాయి. మోటోరోలా వన్ విజన్ పేరుతో ఒక స్మార్ట్‌ఫోన్ కొద్ది రోజుల క్రితమే భారత్‌లో రిలీజ్ అయింది. కాగా ఇప్పుడు వెంటనే మోటోరోలా వన్ యాక్షన్ రిలీజ్ చేయడం విశేషం. మోటోరోలా వన్ యాక్షన్ స్మార్ట్‌ఫోన్ ధర రూ.13,999. ఆగస్ట్ 30వ తేదీ నుండి ఫ్లిప్‌కార్ట్‌లో ఈ ఫోన్ విక్రయం ప్రారంభమవుతుంది.