ఈ-కామర్స్ సైట్లతో సామాజిక వెబ్ సైట్ ఫేస్ బుక్ పోటీ పడనుంది. సోషల్ నెట్‌వర్కింగ్‌లో దూసుకెళ్తున్న ఫేస్ బుక్ చాటింగ్, ఉచిత కాల్స్‌కే పరిమితమైన సంగతి తెలిసిందే.
ఈ నేపథ్యంలో ఫేస్ బుక్ త్వరలో తన వినియోగదారులకు ఆన్ లైన్ షాపింగ్‌ను అందుబాటులోకి తేనుంది. ఈ మేరకు ఫేస్ బుక్ మెసెంజర్ ఉపాధ్యక్షుడు డేవిడ్ మార్కస్ దీనిపై ఓ ప్రకటన చేశాడు. ఫేస్ బుక్‌లో ఆన్ లైన్ విక్రయాల కోసం ప్రవేశపెడుతున్న ఈ సేవలకు ‘ఎం’ అని నామకరణం చేశామని మార్కస్ వెల్లడించారు.
‘‘ఫేస్ బుక్ మెసెంజర్‌లో ‘ఎం’ పేరిట కొత్తగా ఆన్ లైన్ విక్రయాలను ప్రవేశపెడుతున్నాం. మీ ప్రియమైన వారికి బహమతులు కొనుగోలు చేసేందుకు మా వంతు సహకారం అందిస్తాం. ‘ఎం’ సేవల ద్వారా హోటల్ అడ్వాన్స్ బుకింగ్సే కాక అడ్వాన్స్ ట్రావెల్ బుకింగ్స్ కూడా చేసుకునే అవకాశం కల్పిస్తాం. ప్రస్తుతం ‘ఎం’ ప్రాజెక్టు ప్రాథమిక దశలోనే ఉందని చెప్పారు.