నా వ్యక్తిగత జీవితాన్ని గౌరవిస్తారని ఆశిస్తున్నా : చాహల్

రాయల్ ఛాలెంజర్స్ బెంగళూరు బౌలర్ యుజవేంద్ర చాహల్‌ కన్నడ నటి తనిష్కా కపూర్‌ను పెళ్లి చేసుకోనున్నాడనే వార్త శాండిల్‌వుడ్‌లో హల్‌చల్ చేస్తోంది. సోషల్ మీడియాలో అనేక కథనాలు పుట్టుకొచ్చాయి. దీనిపై ఈ యువ బౌలర

రాయల్ ఛాలెంజర్స్ బెంగళూరు బౌలర్ యుజవేంద్ర చాహల్‌ కన్నడ నటి తనిష్కా కపూర్‌ను పెళ్లి చేసుకోనున్నాడనే వార్త శాండిల్‌వుడ్‌లో హల్‌చల్ చేస్తోంది. సోషల్ మీడియాలో అనేక కథనాలు పుట్టుకొచ్చాయి. దీనిపై ఈ యువ బౌలర్ స్పందించారు.

బెంగళూరు: కన్నడ హీరోయిన్ తనిష్కా కపూర్‌తో త్వరలో తన వివాహం జరుగుతుంది అన్న వార్తలపై టీం ఇండియా, రాయల్ ఛాలెంజర్స్ బెంగళూరు బౌలర్ యుజవేంద్ర చాహల్ స్పందించాడు. ఆమె కేవలం తన స్నేహితురాలు మాత్రమేనని, అసత్యాలు ప్రచారం చేయడం ఆపాలని కోరాడు. 

'అందరికి నమస్కారం, నా జీవితంలో ఎటువంటి మార్పులు జరగడం లేదని స్పష్టం చేసేందుకు ఈ సందేశం. 

నేను పెళ్లి చేసుకోవడం లేదు. తనిష్కా నేను మంచి స్నేహితులం మాత్రమే. ఈ వార్త ప్రచారం ఆపేయాలని నా విన్నపం. నా వ్యక్తిగత జీవితాన్ని గౌరవిస్తారాని ఆశిస్తున్నా. దయచేసి వదంతులు ప్రచారం చేయడం అపండి. ఏదైన వార్త తెలిస్తే... అది నిజమో కాదో నిర్ధారణ చేసుకున్న తర్వాత పోస్ట్ చేయండి. ధన్యవాదాలు' అని చాహల్ ఆ పోస్టులో పేర్కొన్నాడు.