ఓ పైలట్ తప్పతాగి విమానం నడిపేందుకు వచ్చాడు. ఆ పైలట్‌ను చూడగానే ప్రయాణికులు హడలి పోయారు. ఇండోనేషియాలో ఈ పైలట్ నిర్వాకం వెలుగు చూసింది. ఈ పైలట్‌కు చెందిన వీడియో ఒకటి సోషల్ మీడియాలో వైరల్‌గా మారగా.. దాన్ని వీక్షించిన ప్రతి ఒక్కరూ కడుపుబ్బ నవ్వుతున్నారు.
సిటీలింక్ ఎయిర్‌‌లైన్స్‌కి చెందిన కెప్టెన్ టెకాఫ్ పూర్ణ విమానాశ్రయంలోకి రాగానే ప్రయాణికులు అతడిని చూసి హడలెత్తిపోయారు. నిర్లక్ష్యంగా మాట్లాడుతుండటం, టేకాఫ్‌కి ముందు అనౌన్స్‌మెంటుతో సంబంధంలేకుండా మాట్లాడడంతో అధికారులకు ఫిర్యాదు చేశారు. పైలట్ నిర్వాకం కారణంగా జకార్తా వెళ్లాల్సిన విమానం నిలిచిపోయింది. తీరా అతగాడి వ్యవహారంపై దర్యాప్తు చేసిన అధికారులు విస్మయానికి గురయ్యారు.
నిబంధనలు ఉల్లంఘించి పీకల వరకు మద్యం సేవించినట్టు గుర్తించారు. అతడు ఎయిర్‌పోర్టులోకి వస్తున్నప్పటి సీసీటీవీ ఫూటేజిలను కూడా విడుదల చేశారు. పీకలదాకా తాగి తూలుకుంటూ కస్టమ్స్ తనిఖీ దగ్గర పైలట్ చేసిన హడావిడి అంతాఇంతకాదు. బ్యాగుతో పాటు వస్తువులన్నీ కిందపడేసుకుంటుంటే.. కస్టమ్స్ సిబ్బంది వాటిని ఏరి అతడికివ్వడం.. కడుపుబ్బా నవ్వు తెప్పిస్తోంది.