Webdunia - Bharat's app for daily news and videos

Install App

మసాజ్ ఆశచూపి... లూటీ శారు... ఎక్కడ?

Webdunia
బుధవారం, 14 అక్టోబరు 2020 (10:48 IST)
దుబాయ్‌లో ఓ భారతీయుడిని ఇద్దరు నైజీరియన్ మహిళలు లూటీ చేశారు. మసాజ్ ఆశ చూపి ఈ మోసానికి పాల్పడ్డారు. ఈ ఇద్దరు మహిళలకు మరికొందరు పురుషులు కూడా తోడై.. భారత వ్యక్తి వద్ద ఉన్న క్రెడిట్ కార్డులతో పాటు 600 దిర్హమ్స్‌ను బెదిరించి దోచుకున్నారు. 
 
తాజాగా వెలుగులోకి వచ్చిన ఈ వివరాలను పరిశీలిస్తే, ఉపాధి నిమిత్తం దుబాయ్‌లో ఉంటున్న 40 యేళ్ల వ్యక్తికి ఓ డేటింగ్ యాప్ ద్వారా ఓ మహిళ పరిచయమైంది. ఆ తర్వాత వారిద్దరూ చాటింగ్ చేసుకుంటూ వచ్చారు. 
 
ఈ క్రమంలో భారత వ్యక్తికి సదరు మహిళ మసాజ్ ఆశచూపించింది. 500 దిర్హమ్స్ ఇస్తే మసాజ్ చేస్తానంటూ తానుండే ఓ హోటల్ అడ్రస్ ఇచ్చింది. దీంతో భారత వ్యక్తి ఆమె చెప్పిన చోటికి వెళ్లాడు. అక్కడికి వెళ్లిన తర్వాత ఓ గదిలోకి తీసుకెళ్లింది. గదిలోకి వెళ్లిన వెంటనే మరికొందరు పురుషులు, మహిళలు వచ్చి భారతీయుడ్ని బంధించారు.
 
ఆ తర్వాత అతడి పర్సు లాక్కొని అందులో ఉన్న 600 దిర్హమ్స్‌తో పాటు రెండు క్రెడిట్ కార్డులు తీసుకున్నారు. వాటి పాస్‌వర్డ్స్ తీసుకుని బయటకెళ్లి నగదు డ్రా చేసుకున్నారు. అనంతరం ఈ విషయం ఎవరికీ చెప్పొదని బెదిరించి భారత వ్యక్తిని విడిచిపెట్టారు. 
 
ఈ ముఠా చెర నుంచి బయటపడిన భారతీయుడు నేరుగా సమీపంలోని పోలీస్ స్టేషన్‌లో ఫిర్యాదు చేశాడు. దీనిపై కేసు కేసు నమోదు చేసిన పోలీసులు... ఘటన జరిగిన ప్రదేశానికి వెళ్లి ఇద్దరు మహిళలను అదుపులోకి తీసుకుని పోలీస్ స్టేషన్‌కు తరలించారు. 
 
బాధితుడు ఆ ఇద్దరు నిందితులను గుర్తుపట్టడంతో కటకటాల్లోకి నెట్టారు. ఇద్దరు నిందితులపై వేధింపులు, మోసం కేసు నమోదు చేశారు. ఈ ఘటన జూన్ 26న జరిగింది. సోమవారం ఈ కేసు దుబాయ్ కోర్టులో విచారణకు వచ్చింది. తదుపరి విచారణ డిసెంబర్ 30న జరుగనుంది.  

సంబంధిత వార్తలు

అన్నీ చూడండి

టాలీవుడ్ లేటెస్ట్

కేన్సర్ సోకి రూపురేఖలే మారిపోయిన కేజీఎఫ్ నటుడు

మంచి విషయం గురించి చెప్పినా విమర్శలు తప్పట్లేదు : హీరో నాని

'ఫ్లూటు జింక ముందు ఊదు.. సింహం ముందు కాదు'... రజనీకాంత్

సినీ నిర్మాణ కార్మికులకు వేతనాలు పెంచిన తెలుగు ఫిల్మ్ చాంబర్

Balakrishna: బాలకృష్ణకు సత్కారం.. సీఎం సహాయ నిధికి రూ.50 లక్షల విరాళం- ప్రముఖుల కితాబు (video)

అన్నీ చూడండి

ఆరోగ్యం ఇంకా...

జాతీయ దగ్గు దినోత్సవం: డాక్టర్ రెడ్డీస్ సహకారంతో భారతదేశంలో దగ్గుపై అవగాహన

మహిళా విభాగానికి ప్రచార ముఖచిత్రంగా కృతి సనన్‌ను నియమించిన క్యాంపస్ యాక్టివ్‌వేర్

ఆరోగ్యకరమైన జీర్ణవ్యవస్థ కోసం బాదం తినండి

పేషెంట్-సెంట్రిక్ ఇమేజింగ్‌లో విప్లవాత్మక మార్పులు తీసుకురానున్న శామ్‌సంగ్ ఇండియా

మతిమరుపు సమస్యను వదిలించుకోవాలంటే ఏం చేయాలి?

తర్వాతి కథనం
Show comments