ట్రంప్ రాసలలీల సమాచారం ఇస్తానని.. రూ.65లక్షలు కొట్టేశాడు..
అమెరికా అధ్యక్షుడు డొనాల్డ్ ట్రంప్ రాసలీలల సమాచారం ఇస్తానంటూ అమెరికా గూఢచారులకు టోకరా వేశాడో రష్యా వ్యక్తి. అంతేగాకుండా వెళ్తూ వెళ్తూ రూ. 65లక్షల దోచేసుకుని పరారైనాడు. వివరాల్లోకి వెళితే.. అమెరికా జాత
అమెరికా అధ్యక్షుడు డొనాల్డ్ ట్రంప్ రాసలీలల సమాచారం ఇస్తానంటూ అమెరికా గూఢచారులకు టోకరా వేశాడో రష్యా వ్యక్తి. అంతేగాకుండా వెళ్తూ వెళ్తూ రూ. 65లక్షల దోచేసుకుని పరారైనాడు.
వివరాల్లోకి వెళితే.. అమెరికా జాతీయ భద్రతా సంస్థ (ఎన్ఎస్ఏ) రూపొందించిన హ్యాకింగ్ టూల్స్‌తో పాటు అమెరికా అధ్యక్షుడు ట్రంప్ రాసలీలకు సంబంధించిన సమాచారం తన వద్ద విక్రయానికి ఉందని రష్యాకు చెందిన ఓ వ్యక్తి షాడో బ్రోకర్ల ద్వారా ప్రకటన ఇచ్చాడు. ఈ ప్రకటన చూసిన సీఐఏ ఆతడిని సంప్రదించింది. బేరం కూడా కుదుర్చకుంది.
కానీ రూ. 6.5 కోట్లు ఇస్తేనే వాటిని విక్రయిస్తానని సదరు రష్యా వ్యక్తి డిమాండ్ చేశాడు. దీంతో డీల్ కుదుర్చుకున్న సీఐఏ అడ్వాన్స్ కింద రూ.65 లక్షలు అందించారు. కానీ ఆ డబ్బును కాజేసిన రష్యా వ్యక్తి పారిపోయాడు. ట్రంప్ రాసలీలకు సంబంధించిన సమాచారం ఇవ్వలేదు. పారిపోయిన వ్యక్తి కోసం సీఐఏ అధికారులు గాలింపు చర్యలు చేపట్టారు.