చైనాలో ఓ స్మార్ట్ దొంగ.. షట్టర్ తెరవకుండా.. నగలు దోచేశాడు..

చైనాలో ఓ స్మార్ట్ దొంగ ఎంత పనిచేశాడో తెలుసా.. షాపు షెట్టర్ పగులకొట్టకుండా.. గోడలు దూకకుండా.. స్మార్ట్‌గా చేతులకు పనిచెప్పి.. తన పని కానిచ్చేశాడు. వివరాల్లోకి వెళితే.. దక్షిణ చైనా డాంగ్‌గువాన్ సిటీలో మ

చైనాలో ఓ స్మార్ట్ దొంగ ఎంత పనిచేశాడో తెలుసా.. షాపు షెట్టర్ పగులకొట్టకుండా.. గోడలు దూకకుండా.. స్మార్ట్‌గా చేతులకు పనిచెప్పి.. తన పని కానిచ్చేశాడు. వివరాల్లోకి వెళితే.. దక్షిణ చైనా డాంగ్‌గువాన్ సిటీలో మే 13న ఓ నగల దుకాణంలో దొంగతనం జరిగింది. ఆ దొంగ ఏవిధంగా దోచుకెళ్లాడో చూస్తే షాక్ అవ్వాల్సిందే. నగల దుకాణంలో దొంగతనం చేద్దామని వెళ్లిన దొంగ అర్థరాత్రి షాపు ముందు నేలపై పడుకున్నాడు.

షట్టర్‌ను మెల్లమెల్లగా తన చేతులతో పైకి నెడుతూ, తన శరీరాన్ని గట్టిగా ఒత్తుకుంటూ షాపులోకి ప్రవేశించాడు. లోపలికి వెళ్లగానే అలారం మోగింది. అయినా.. ఏ మాత్రం పట్టించుకోకుండా వచ్చిన పని కానిచ్చాడు. ఓ ప్లాస్టిక్ బ్యాగులో బంగారు నగల్ని సర్దుకుని.. ఎలా లోపలికి పోయాడో.. అలాగే బయటికొచ్చాడు. కానీ తతంగమంతా సీసీటీవీలో రికార్డ్ అయింది. తెల్లారగానే షాపు తెరుద్దామని వచ్చిన యజమాని షట్టర్‌లో తేడా చూసి ఖంగుతిన్నాడు. వెంటనే పోలీసులకు సమాచారం అందించాడు.

స్మార్ట్ దొంగ దాదాపు 36 లక్షల విలువల నగలు చోరికి గురైనట్లు దుకాణం యజమాని పోలీసులకు చెప్పాడు. సీసీటీవీలో రికార్డయిన వీడియో ఆధారంగా నిందితుడి కోసం గాలింపు చేపట్టారు. ప్రస్తుతం ఈ వీడియో సోషల్ మీడియాలో వైరల్ అవుతోంది.