కొవిడ్-19 గైడెన్స్, అప్‌డేట్స్‌తో కూడిన మొబైల్ యాప్‌ను ప్రపంచ ఆరోగ్య సంస్థ (డబ్ల్యూహెచ్ఓ) లాంచ్ చేసింది. ఈ యాప్ పేరు డబ్ల్యూహెచ్ఓ కొవిడ్-19 అప్‌డేట్స్ (WHO COVID-19 Updates).
ఈ యాప్‌లో వైరస్ గురించి పూర్తి నమ్మదగిన సమాచారం ఉంటుంది. అయితే, ఇందులో కాంటాక్ట్ ట్రేసింగ్ వంటి ఫీచర్ లేదు. నిజానికి ఈ ఏడాది ఏప్రిల్‌లోనే కరోనా వైరస్ యాప్‌ను తీసుకొచ్చినప్పటికీ ఇది ప్రజల లభ్యత కోసం కాదు కాబట్టి యాప్ స్టోర్లు దీనిని తొలగించాయి.
డబ్ల్యూహెచ్ఓ కొవిడ్-19 అప్‌డేట్స్ యాప్‌లో తాజా స్థానిక సమాచారంతోపాటు స్థానిక సమాచారం ఆధారంగా రియల్ టైమ్ నోటిఫికేషన్స్ లభిస్తాయి. కరోనా వైరస్ అవుట్ బ్రేక్ గురించి తెలుసుకునేందుకు హోం స్క్రీన్‌పై దేశంతోపాటు ప్రపంచవ్యాప్తంగా నమోదైన కేసుల సంఖ్య ఎప్పటికప్పుడు కనిపిస్తుంది.
అలాగే, ఆరోగ్యం విషయంలో పాటించాల్సిన విధానాలు కూడా ఇందులో ఉంటాయి. ప్రపంచ ఆరోగ్య సంస్థ కొవిడ్-19 రెస్పాన్స్ ఫండ్‌కు విరాళం ఇవ్వాలనుకున్న వారు ఈ యాప్ ద్వారా డొనేట్ చేయొచ్చు.