Snake On Plane: విమానంలో పాము-పట్టుకునేందుకు రెండు గంటలైంది.. తర్వాత?

విమానంలోని కార్గో హోల్డ్‌లో ఒక పాము కనిపించడంతో ఆస్ట్రేలియా దేశీయ విమానం రెండు గంటలు ఆలస్యమైందని అధికారులు బుధవారం తెలిపారు. మంగళవారం ప్రయాణికులు మెల్‌బోర్న్ విమానాశ్రయంలో బ్రిస్బేన్‌కు వెళ్లే వర్జిన్ ఆస్ట్రేలియా విమానం VA337 ఎక్కుతుండగా ఆ పాము కనిపించిందని. 

అయితే ఈ పామును పట్టుకున్నట్లు పాములు పట్టే వ్యక్తి మార్క్ పెల్లీ తెలిపారు. ఆ పాము హానిచేయని 60-సెంటీమీటర్ల (2-అడుగుల) ఆకుపచ్చ చెట్టు పాము అని తేలింది. కానీ చీకటిగా ఉన్న హోల్డ్‌లో దానిని సమీపించినప్పుడు అది విషపూరితమైనదని తాను భావించానని పెల్లీ చెప్పాడు.

"నేను ఆ పామును పట్టుకున్న తర్వాతే అది విషపూరితం కాదని నాకు అర్థమైంది. అప్పటి వరకు, అది నాకు చాలా ప్రమాదకరమైనదిగా అనిపించింది," అని పెల్లీ అన్నారు. ప్రపంచంలోని అత్యంత విషపూరితమైన పాములు చాలా వరకు ఆస్ట్రేలియాకు చెందినవి. పెల్లీ కార్గో హోల్డ్‌లోకి ప్రవేశించినప్పుడు, ఆ పాము సగం ప్యానెల్ వెనుక దాగి ఉంది.  విమానానికి లోపల పాము వెళ్లినట్లైతే కార్గోను ఖాళీ చేయవలసి ఉంటుందని తాను విమాన ఇంజనీర్, విమానయాన సిబ్బందికి చెప్పానని పెల్లీ చెప్పారు.