మేల్ సింగర్‌ను కౌగిలించుకుందనీ.. ఆ మహిళను ఏం చేశారో తెలుసా?
సౌదీలో ముస్లిం చట్టాలు ఎంత కఠినంగా ఉంటాయో ప్రత్యేకంగా చెప్పనక్కర్లేదు. ఈ చట్టాలను ఉల్లంఘించిన వారికి కఠిన శిక్షలను ఎదుర్కోవాల్సి వస్తుంది. తాజాగా ఓ యువతి తనకు ఇష్టమైన ఓ మేల్ సింగర్‌ను వేదికపై హగ్ చేసు
సౌదీలో ముస్లిం చట్టాలు ఎంత కఠినంగా ఉంటాయో ప్రత్యేకంగా చెప్పనక్కర్లేదు. ఈ చట్టాలను ఉల్లంఘించిన వారికి కఠిన శిక్షలను ఎదుర్కోవాల్సి వస్తుంది. తాజాగా ఓ యువతి తనకు ఇష్టమైన ఓ మేల్ సింగర్‌ను వేదికపై హగ్ చేసుకుని జైలుకెళ్లింది. ఈ వివరాలను పరిశీలిస్తే..
సింగర్ మాజిద్ అల్ మొహందిస్ అనే సింగర్ రియాద్‌లో జరిగిన ఓ కాన్సర్ట్‌లో పాటలు పాడాడు. ఆ కాన్సర్ట్ ముగియగానే ఓ అమ్మాయి వెళ్లి అతన్ని హగ్ చేసుకుంది. సెక్యూరిటీ సిబ్బంది ఆమెను దూరంగా తీసుకెళ్లడానికి ప్రయత్నించినా ఆమె వినలేదు. సౌదీ చట్టాల ప్రకారం అక్కడి మహిళలు తమకు సంబంధం లేని మగవారితో దూరంగా ఉండాలి.
ఈ మధ్యే ఒక్కో చట్టాన్ని కాస్త సడలిస్తూ వస్తున్నారు. కారు డ్రైవింగ్ చేసే అవకాశాన్ని మహిళలకు కల్పించారు. ఇలాగే కాన్సర్ట్‌లు, ఫుట్‌బాల్ మ్యాచ్‌లను చూసేందుకు మహిళలకు అనుమతి ఇచ్చారు.
సింగర్‌ను హత్తుకున్నందుకుగాను పోలీసులు వెంటనే ఆ యువతిని అరెస్ట్ చేసి విచారణ జరుపుతున్నారు. దీనికి సంబంధించిన వీడియోలు కూడా సోషల్ మీడియాలో హల్‌చల్ చేశాయి. ప్రిన్స్ ఆఫ్ అరబ్ సింగింగ్‌గా పేరున్న మొహందిస్‌కు విపరీతమైన ఫాలోయింగ్ ఉంది.