భర్తకు సలహాలిస్తూ కన్నబిడ్డను దగ్గరుండి మరీ రేప్ చేయించిన తల్లి!

సమాజంలో రోజురోజుకూ మనుషుల మధ్య మానవత్వం మంటగలిసి పోతోంది. తల్లీపిల్లల మధ్య కూడా మాతృత్వం అంతరించిపోతోందనడానికి ఉదాహరణే ఈ ఘటన. పేగు తెంచుకొని పుట్టిన బిడ్డను అల్లారుముద్దుగా పెంచుకోవాల్సిన ఓ తల్లి హృదయం పాషాణంగా మారింది. కన్నతండ్రి కూతురిపై అత్యాచారా

సమాజంలో రోజురోజుకూ మనుషుల మధ్య మానవత్వం మంటగలిసి పోతోంది. తల్లీపిల్లల మధ్య కూడా మాతృత్వం అంతరించిపోతోందనడానికి ఉదాహరణే ఈ ఘటన. పేగు తెంచుకొని పుట్టిన బిడ్డను అల్లారుముద్దుగా పెంచుకోవాల్సిన ఓ తల్లి హృదయం పాషాణంగా మారింది. కన్నతండ్రి  కూతురిపై అత్యాచారానికి పాల్పడగా... అతడికి ఎలా సహకరించాలో చెబుతూ మాతృత్వానికి తీరని మచ్చ తెచ్చిందో తల్లి. కంటికి రెప్పలా కాపాడాల్సిన బిడ్డను ఐదేళ్ల ప్రాయం నుంచే నరకం చూపించడం మొదలుపెట్టారు ఆస్ట్రేలియాలోని ఓ తల్లిదండ్రులు. 

10-15 యేళ్లుగా తండ్రి ఆ బిడ్డను చిత్ర హింసలకు గురి చేస్తూ లైంగిక దాడికి పాల్పడగా అలాంటి చర్యను ఎదుర్కొవాల్సిన తల్లి అతడికి చేదోడువాదోడుగా నిలిచింది. వివరాల్లోకి వెళితే... ఆస్ట్రేలియాలో ఓ 59 ఏళ్ల వ్యక్తి, 51 ఏళ్ల మహిళ భార్య భర్తలు. ఈ దంపతులకి ఒక కూతురు ఉంది. ఆ కూతురుకి ఐదేళ్లు వచ్చాక తీసుకెళ్లి వారి ఇంటి ఎదురుగా ఉన్న షెడ్డులో కట్టేశారు. అనంతరం ఆమెపై లైంగికదాడికి పాల్పడుతూ వచ్చారు. దాదాపు పది హేనేళ్లపాటు ఆమెపై ఆ కామాంధుడు అత్యాచారానికి పాల్పడ్డాడు. 

ఈ క్రమంలో పదునైన ఆయుధాలతో బాలిక శరీరంపై గుచ్చుతూ నానాహింసలు పెట్టేవారు. మిరపకాయలు తినిపించేవారు. తాము చెప్పినట్లు చేయకుంటే చంపేస్తామంటూ... రంపపు బ్లేడుతో గాయాలు చేశారు. ప్రస్తుతం మానసిక వైద్యాలయంలో చికిత్స పొందుతున్న ఆ బాధిత యువతి 2011లో తల్లిదండ్రులపై ఫిర్యాదు చేసింది. దీంతో పోలీసులు రెండేళ్లపాటు విచారణ చేసి 2013లో వారిని అరెస్టు చేయగా వారికి శుక్రవారం కోర్టు శిక్షను ఖరారు చేసింది. ఆ తండ్రి 73 నేరాలకు పాల్పడగా ఆమె మొత్తం 13 నేరాలకు పాల్పడినట్లు కోర్టు నిర్దారించింది. ఎట్టకేలకు ఆ కసాయి తల్లిదండ్రులు ఊచలు లెక్కపెడుతున్నారు. అతడికి 48 ఏళ్ల జైలు శిక్ష విధించగా ఆమెకు 16 ఏళ్ల జైలు శిక్ష, 11 ఏళ్ల సామాజిక సేవను శిక్షగా విధించారు. వారు చేసిన చర్యలపట్ల సిడ్నీ కోర్టు దిగ్భ్రాంతిని వ్యక్తం చేసింది.