అవును.. అలా చాలామంది అనుకుంటున్నారు. విదేశీ గడ్డపై 75 నిమిషాల పాటు భారత ప్రధానమంత్రి నరేంద్ర మోడీ చేసిన ప్రసంగంతో అక్కడ హర్వధ్వానాలు వినిపించాయి. దాదాపు 20 వేల మందిని ఉద్దేశించి మోడీ చేసిన ప్రసంగం అమెరికన్లు ఎంతగానో ఆకట్టుకుంది. ఏ దేశాధినేతకు ఇంతవరకూ లభించని ఆదరణ చూసి అమెరికా మీడియా ఆశ్చర్యపోయింది. ఒక దశలో కొందరు... ఇది మన అమెరికానా.. ఇండియానా అంటూ సెటైర్లు కూడా వేశారంటే అక్కడ మోడీ ప్రసంగం ప్రకంపనాలు ఏ రీతిలో సాగిందో అర్థం చేసుకోవచ్చు.
ఇకపోతే శ్వేతసౌధంలో జరిగిన విందు సమయంలో ప్రధానమంత్రి నరేంద్రమోడీ ప్రత్యేక 'భగవద్గీత' ఎడిషన్‌ను అమెరికా అధ్యక్షుడు బరాక్ ఒబామాకు బహుమతిగా ఇచ్చారు. మహాత్మా గాంధీ వివరణతో ఉన్న ఆ పుస్తకాన్ని ఢిల్లీలో తయారుచేయించారు. 1959లో మార్టిన్ లూథర్ కింగ్ భారత్ సందర్శించినప్పటి ఆడియో-వీడియో క్లిప్స్ ను కూడా మోడీ అమెరికా అధ్యక్షుడు ఒబామాకు సమర్పించారు.