ప్రధాని మోదీకి ఎక్స్‌లో 100 మిలియన్ల ఫాలోవర్స్.. ఎలెన్ మస్క్ అభినందనలు

Modi

భారత ప్రధాని నరేంద్ర మోడీ సోషల్ మీడియా అగ్రగామి ఎక్స్‌లో వంద మిలియన్ల ఫాలోవర్ల మార్కును చేరుకున్నారు. ఇది చాలా పెద్ద విజయం, ఎందుకంటే అతను ప్రపంచ నాయకులు,   ప్రముఖులందరినీ అధిగమించారు. ఈ నేపథ్యంలో ఎక్స్ చీఫ్ ఎలాన్ మస్క్ మోదీకి శుభాకాంక్షలు తెలిపారు. "అత్యధిక మంది అనుసరించే ప్రపంచ నాయకుడిగా ఉన్నందుకు ప్రధాని మోదీకి అభినందనలు" అంటూ ట్వీట్ చేశారు.

అంతకుముందు, వంద మిలియన్ల మంది ఫాలోవర్ల సంఖ్యకు మోదీ అందరికీ ధన్యవాదాలు తెలిపారు. "ఎక్స్‌లో వంద మిలియన్లు! నేను ఈ శక్తివంతమైన మాధ్యమంలో ఉన్నందుకు సంతోషంగా ఉన్నాను. ప్రజల ఆశీర్వాదాలు, నిర్మాణాత్మక విమర్శలు.. మరిన్నింటిని ఆదరిస్తున్నాను" అని ప్ర‌ధాన మంత్రి ట్వీట్ చేశారు. 

ఇకపోతే... పీఎం మోదీకి ఎక్స్‌పై ఉన్న ఫాలోవర్ల సంఖ్య ప్రపంచ నాయకులు, సెలబ్రిటీలను మించిపోయింది.

అమెరికా అధ్యక్షుడు జో బిడెన్: 38.1 మిలియన్ల మంది అనుచరులు

దుబాయ్ పాలకుడు షేక్ మహమ్మద్: 11.2 మిలియన్ల మంది అనుచరులు

పోప్ ఫ్రాన్సిస్: 18.5 మిలియన్ల మంది అనుచరులు

టేలర్ స్విఫ్ట్: 95.3 మిలియన్

లేడీ గాగా: 83.1 మిలియన్

కిమ్ కర్దాషియాన్: 75.2 మిలియన్లు

విరాట్ కోహ్లీ: 64.1 మిలియన్లు

బ్రెజిలియన్ ఫుట్‌బాల్ క్రీడాకారుడు నేమార్ జూనియర్: 63.6 మిలియన్లు

అమెరికన్ బాస్కెట్‌బాల్ ఆటగాడు లెబ్రాన్ జేమ్స్: 52.9 మిలియన్లు.