కనక వర్షం కురిస్తే... అబ్బ ఎంత బాగుణ్ణు.. అసలు కనక వర్షం ఎలా ఉంటుందో కూడా తెలియని చూడని వారు చాలా మంది ఉంటారు. అది ఎలా ఉంటుందో ఈ మధ్య దుబాయివాసులు చూశారు. రోడ్లపై పడ్డ నోట్లను పట్టుకోవడానికి పరుగులు పెట్టారు. ఒకటి కాదు రెండు కాదు. పది లక్షల పౌండ్ల డబ్బు రోడ్లపై వర్షలా కురిసింది. గాలికి నోట్లు కొట్టుకొచ్చాయి. అవి ఎక్కడ నుంచి వస్తున్నాయో.. ఎలా వస్తున్నాయో.. తెలుసుకునే అవకాశం కూడా వారికి దక్కలేదు. కింద పడిన నోట్ల కోసం జనం ఆరాట పడం మాత్రం ఒకటే తెలిసింది. వివరాలిలా ఉన్నాయి.
దుబాయిలోని ఓ ప్రాంతంలో రాత్రి రోడ్లపైకి, పుట్ పాత్ లపై నోట్లు కొ్ట్టుకొస్తున్నాయి. ఒకటి కాదు రెండు కాదు. వేల కొద్ది నోట్లు కొట్టుకుని వస్తూనే ఉన్నాయి. అన్నీ 500 దిర్హం నోట్లే. వాటిని ఏరుకోవడానికి జనం కార్లు, వాహనాలు నిలిపి రోడ్లపై పరుగులు పెట్టడడం మొదలు పెట్టారు. దీంతో ట్రాఫిక్ పూర్తిగా నిలిచిపోయింది. కొందరు తమ సెల్‌ఫోన్లలో ఆ దృశ్యాన్ని రికార్డు చేశారు.
ఇలా సుమారు పది లక్షల పౌండ్ల విలువైన క్యాష్ కనక వర్షంలా కురిసి ప్రజల పాలయింది. ఇది ఎక్కడ నుంచి కొట్టుకు వచ్చిందనే అంశంపై ఒక నిర్ధారణ లేకపోయినప్పటికీ, తుఫానులోనే ఇద్దరు బ్యాంక్ ఉద్యోగులు ఏటీఎంలో డబ్బును జమ చేయడానికి వెళ్తుండగా వారి వాహనం నుంచి సొమ్ము ఎగిరిపోయి ఉండవచ్చునని కూడా తెలుస్తోంది. ఇదే రోడ్లపైకి వచ్చి ఉంటుందని మాత్రమే అంచనా వేస్తున్నారు. అయితే ఇంకా పూర్తి వివరాలు వెల్లడి కాలేదు