అవును.. డొనాల్డ్ ట్రంప్‌కు నేను చేతబడి చేశాను.. ట్రంప్ ఫోటో, కొవ్వొత్తులు, ఉప్పుతో?

అమెరికా అధ్యక్షుడు డొనాల్డ్ ట్రంప్‌కు తాను చేతబడి చేసినట్లు ప్రముఖ గాయని లానా డెల్ రే సంచలన వ్యాఖ్యలు చేసింది. ప్రస్తుతం అమెరికా అధ్యక్షుడిగా వున్న ట్రంప్ ప్రవర్తనపై పలు దేశాలు వ్యతిరేకత వ్యక్తం చేస్త

అమెరికా అధ్యక్షుడు డొనాల్డ్ ట్రంప్‌కు తాను చేతబడి చేసినట్లు ప్రముఖ గాయని లానా డెల్ రే సంచలన వ్యాఖ్యలు చేసింది. ప్రస్తుతం అమెరికా అధ్యక్షుడిగా వున్న ట్రంప్ ప్రవర్తనపై పలు దేశాలు వ్యతిరేకత వ్యక్తం చేస్తున్న సంగతి తెలిసిందే. అమెరికాపై అతని విధానాలు, ఇతర దేశాలపై ట్రంప్ చూపెడుతున్న వ్యతిరేకతపై ఇతర  దేశాలు మండిపడుతున్నాయి. ఫలితంగా పలువురు ప్రముఖులు డొనాల్డ్ ట్రంప్‌కు వ్యతిరేకంగ కామెంట్లు చేస్తున్నారు. ఈ నేపథ్యంలో అమెరికా పాప్ గాయని లానా.. ఓ ఇంటర్వ్యూలో ట్రంప్‌కు తాను చేతబడి చేసినట్లు కామెంట్ చేసి అందరికీ షాక్ ఇచ్చింది. 

ట్రంప్‌కు చేతబడి చేశాను. ఎందుకు చేయకూడదు? ఇంకా ఎన్నో చేశాను. మనసులో తోచే ఆలోచనలకు బలం ఎక్కువని నేను నమ్ముతాను. ఒక విషయం జరగాలని అనుకున్నప్పుడు సానుకూల దృక్పథం.. దానిపై పట్టుదలను పెంచుతుంది. అదే మాటలుగా మారుతుంది. దాన్నే కార్యాచరణగా మార్చేస్తాం. చివర్లో కార్యసాధన జరిగిపోతుందని లానా డెల్ రే వెల్లడించింది. డొనాల్డ్ ట్రంప్ ఫోటో, తెలుపు కొవ్వుత్తులు, నీరు, ఉప్పుతో బ్లాక్ మ్యాజిక్ చేశానని అమ్మడు చెప్పేసింది. ప్రస్తుతం లానా డెల్ రే వ్యాఖ్యలు అమెరికా సంచలనం సృష్టిస్తున్నాయి.