పోలీసులు పట్టుకుంటారని పేడ వున్న గోతిలో దూకేశాడు.. చివరికి?

Police

ఇంగ్లాండ్‌లోని ససెక్స్ కౌంటీలో ఓ ఫన్నీ ఇన్సిడెంట్ చోటుచేసుకుంది. అదేంటో తెలుసుకోవాలంటే? ఈ కథనంలోకి వెళ్ళాల్సిందే. ఇంగ్లండ్ ససెక్స్ కౌంటీలో కారు దొంగ‌త‌నం జ‌రిగింది. విష‌యం తెలుసుకున్న పోలీసులు సంఘ‌ట‌నా స్థలానికి చేర‌కొని దొంగ‌ని ప‌ట్టుకునే ప్ర‌య‌త్నం చేశారు. త‌న‌ని పోలీసులు వెంబ‌డిస్తున్నార‌ని తెలుసుకున్న దొంగ వారి కంట ప‌డ‌కుండా ఉండేంద‌కు పేడ ఉన్న గోతిలో దాక్కున్నాడు. 

దాదాపు ఆరు అడుగుల పైనే ఆ గోయి ఉండ‌గా, అందులో దూకగానే మ‌నోడు ఊబిలోకి పోయిన‌ట్టు మునిగిపొయాడు. ఊపిరాడ‌కుండా ఇబ్బందులు ప‌డుతున్న అతడిని గుర్తించిన పోలీసులు అత‌డిని గొయ్యి నుండి బ‌య‌ట‌కు తీసి బేడీలు వేశారు.

ఎక్క‌డ పారిపోతాడో అనుకున్నాడో ఏమో క‌ని క‌నీసం పేడ‌ని క్లీన్ చేయ‌కుండానే అత‌డికి బేడీలు వేశారు. ప్ర‌స్తుతం ఈ ఫొటో సోష‌ల్ మీడియాలో తెగ చ‌క్క‌ర్లు కొడుతుంది. మ‌రోవైపు దొంగ ప్రాణాలు స‌మాధిలో క‌లిసి పోకుండా కాపాడిన పోలీసుల‌ని ప్ర‌శంసిస్తున్నారు.