విమానంలో మహిళకు ముద్దు పెట్టిన ఎన్నారై దేవేందర్ సింగ్ (62)కి యూఎస్ కోర్టు ఎనిమిది నెలల జైలు శిక్ష విధించింది. ల్యూసియానా నివసిస్తున్న ఎన్నారై దేవేందర్ సింగ్ సెప్టెంబర్‍లో హ్యూస్టన్ నుంచి నెవార్క్ కు యూనైటెడ్ ఎయిర్ లైన్స్ విమానంలో ప్రయాణిస్తున్నారు. ఆ సమయంలో ఆయన పక్కనే కూర్చుని నిద్రిస్తున్న మహిళకు ముద్దు పెట్టి, ఆమెపై లైంగిక దాడికి యత్నించాడు.
దీంతో దిగ్భ్రాంతి చెందిన ఆ మహిళ నిద్ర నుంచి మొల్కొన్న, విమానంలోని సిబ్బందికి ఫిర్యాదు చేసింది. అనంతరం విమానం ఎయిర్ పోర్ట్ చేరగానే పోలీసులు ఆయన్ని అదుపులోకి తీసుకున్నారు. పోలీసులు ఆయనపై పలు సెక్షన్ల కింద కేసు నమోదు చేశారు. ఆ కేసు శుక్రవారం విచారణకు రాగా దేవేందర్ సింగ్ కు ఎనిమిది నెలల జైలు శిక్ష విధిస్తూ తీర్పును వెల్లడించారు.