పాకిస్థాన్ మాజీ ప్రధాని ఇమ్రాన్ ఖాన్పై కాల్పులు జరిగాయి. ఈ కాల్పుల్లో ఇమ్రాన్ ఖాన్కు గాయాలయ్యాయి. వివరాల్లోకి వెళితే.. తూర్పు పంజాబ్ ప్రావిన్స్లోని వజీరాబాద్ జిల్లాలో ఇమ్రాన్ ఖాన్ ర్యాలీ నిర్వహించారు. ఈ ఘటనలో ఇమ్రాన్ ఖాన్ కాలికి గాయం కావడంతో ఆస్పత్రికి తరలించారు.
ర్యాలీలో భాగంగా ఇమ్రాన్ ఖాన్ కాన్వాయ్ రాజధాని ఇస్లామాబాద్ వైపు పయనిస్తుండగా ఈ ఘటన జరిగింది. ఈ ఘటనలో ఇమ్రాన్తో పాటు ఆయన ముఖ్య అనుచరుడిగా భావించే ఎంపీ ఫైజల్ జావెద్ కూడా గాయపడ్డారు.
ఈ ర్యాలీ వజీరాబాద్ చేరుకున్న సమయంలో జనసమూహంలో ఉన్న ఓ వ్యక్తి తుపాకీ తీసి కాల్పులు జరిపాడు. ఈ ఘటనలో ఇమ్రాన్ కు గాయాలయ్యాయి. కాగా, కాల్పులు జరిపిన వ్యక్తిని భద్రతా బలగాలు కాల్చిచంపినట్టు వెల్లడైంది.
పాక్ ప్రధాని పదవిని కోల్పోయినప్పటి నుంచి ఇమ్రాన్ ఖాన్ తన ప్రాణాలకు ముప్పు ఉందని నిఘా సంస్థలు హెచ్చరిస్తూనే వున్నాయి. విపక్ష నేత ఇమ్రాన్ ఖాన్పై జరిగిన దాడిని పాకిస్థాన్ ప్రధాని షెహబాజ్ షరీఫ్ ఖండించారు. పాక్ రాజకీయాల్లో హింసకు తావులేదని స్పష్టం చేశారు.