భారతీయ ఉద్యోగుల గుండెల్లో విమానమోత.. ట్రంప్ కొత్త కోత

అమెరికా అధ్యక్షుడు డొనాల్డ్ ట్రంప్ ఆ దేశానికి వచ్చే విదేశీయులకు కష్టాల మీద కష్టాలు ఇస్తున్నారు. విదేశీయులకు శాశ్వత నివాసయోగ్యత కల్పించే గ్రీన్‌కార్డులకు ట్రంప్ అధికార యంత్రాంగం మరింత కోత పెట్టనుంది. ద

అమెరికా అధ్యక్షుడు డొనాల్డ్ ట్రంప్ ఆ దేశానికి వచ్చే విదేశీయులకు కష్టాల మీద కష్టాలు ఇస్తున్నారు. విదేశీయులకు శాశ్వత నివాసయోగ్యత కల్పించే గ్రీన్‌కార్డులకు ట్రంప్ అధికార యంత్రాంగం మరింత కోత పెట్టనుంది. దేశానికి వలస వచ్చి వివిధ రకాలుగా ప్రభుత్వ ప్రయోజనాలను పొందుతున్న లేదా పొందేందుకు వీలున్న వారికి గ్రీన్‌కార్డులు ఇవ్వరాదని ట్రంప్ సర్కార్ ఆలోచిస్తోంది. 

ఇదే జరిగితే.. అమెరికాలో నివసిస్తున్న వేలాదిమంది భారతీయులకు ఇబ్బంది ఏర్పడే అవకాశం వుంది. ఆహారం, నగదు సాయం తదితర విషయాలలో ప్రభుత్వ పరంగా రాయితీలు పొందే విదేశీయులకు గ్రీన్‌కార్డులు ఇవ్వరాదని, గ్రీన్‌కార్డు దరఖాస్తుదారులకు సంబంధించి వారు పొందుతున్న ప్రభుత్వ ప్రయోజనాల గురించి పూర్తిస్థాయిలో ఆరాతీయాలని ఈ నెల 21వ తేదీన అమెరికా హోంల్యాండ్ సెక్యూరిటీ సెక్రెటరీ ఒక ప్రతిపాదన చేశారు. ఈ ప్రతిపాదన గురించి సంబంధిత వెబ్‌సైట్‌లో పెట్టారు. ఈ ప్రతిపాదనపై సిలికాన్ ప్రాంత ఐటి పరిశ్రమ వర్గాలు, రాజకీయ నాయకులు తీవ్రస్థాయిలో ఆగ్రహం వ్యక్తం చేశారు. 

విదేశీ వలసదారులు తమ వీసా సర్దుబాట్లకు సంబంధించి దరఖాస్తు చేసుకున్నా, గ్రీన్‌కార్డు కోసం తాజాగా అభ్యర్థన చేసుకున్నా విధిగా తాము ఏ దశలోనూ ప్రభుత్వ ప్రయోజనాలను పొందలేదనే విషయాన్ని తెలియజేసుకోవాల్సిన పరిస్థితి ఏర్పడింది. చట్టసభల తరఫున అనుమతి దక్కితే తప్ప వీటిని అనుభవించడానికి వీల్లేదని అధికార యంత్రాంగం ప్రతిపాదించింది.