ఓ కామాంధుడు ఓ యువతిని ప్రేమ పేరుతో మోసం చేశాడు. ఆ తర్వాత ఆ యువతి స్నానం చేస్తున్న ఫోటోను అడ్డుపెట్టుకుని బ్లాక్‌మెయిల్ చేయసాగాడు. ఆ తర్వాత భారీ మొత్తంలో డబ్బుకు డిమాండ్ చేయడంతో బాధితురాలు పోలీసులను ఆశ్రయించింది. తాజాగా వెలుగులోకి వచ్చిన ఈ వివరాలను పరిశీలిస్తే,
దుబాయ్‌లోని బుర్ దుబాయ్‌కు ఓ యువకుడు.. ఉద్యోగ నిమిత్తం వచ్చిన ఓ యువతికి పరిచయమయ్యాడు. యువతికి ఉద్యోగం ఇప్పిస్తానని నమ్మబలికాడు. పైగా, ఫ్రెంచ్ జాతీయుడినని చెప్పాడు. ఓ రోజు స్నానం చేస్తూ నగ్నంగా ఓ వీడియో తీసుకున్నానని, దానిని తనకు తెలియకుండా అతను తన ఫోన్‌లోకి లోడ్ చేసుకున్నాడని, దానిని సోషల్ మీడియాలో పోస్ట్ చేస్తానని బెదిరించి లైంగిక వాంఛను తీర్చుకున్నాడని బాధితురాలు ఆరోపించింది.
అంతేకాకుండా, తనతో గడిపిన దానిని కూడా వీడియో తీసాడని, 2 వేల దిర్హమ్స్(రూ.38,974) ఇవ్వాలని ఒత్తిడి చేశాడంటోంది. ఆ వీడియోని కూడా సోషల్ మీడియాలో పోస్ట్ చేస్తానని బెదిరించడంతో, వేధింపులు భరించలేని యువతి పోలీసులకు ఫిర్యాదు చేసింది. పోలీసులు భారతీయ యువకుడిని అరెస్ట్ చేశారు. ఆ వ్యక్తి దుబాయ్‌లో ఓ కంపెనీలో సేల్స్‌మెన్‌గా పనిచేస్తున్నాడని పోలీసులు తెలిపారు.