ఒబామా ఆ వ్యాధితో చనిపోవాలి.. మేక్సీ అనే మగ గొరిల్లాతో మిషెల్లీ కలిసి జీవించాలి: పలాడినో

అమెరికా ప్రస్తుత అధ్యక్షుడు బరాక్ ఒబామా పైన, ఆయన సతీమణి మిషెల్లీ ఒబామాపై ప్రముఖ వ్యాపారవేత్త, రిపబ్లికన్ పార్టీ నేత 70 ఏళ్ళ కార్ల్ పలాడినో నోరు పారేసుకున్నాడు. అమెరికా పీఠాన్ని అధిరోహించనున్న ట్రంప్‌క

అమెరికా ప్రస్తుత అధ్యక్షుడు బరాక్ ఒబామా పైన, ఆయన సతీమణి మిషెల్లీ ఒబామాపై ప్రముఖ వ్యాపారవేత్త, రిపబ్లికన్ పార్టీ నేత 70 ఏళ్ళ కార్ల్ పలాడినో నోరు పారేసుకున్నాడు. అమెరికా పీఠాన్ని అధిరోహించనున్న ట్రంప్‌కు సరైన మద్దతుదారుడని నిరూపించాడు. దూకుడుగా వ్యవహరించడం, నోటికొచ్చినట్లు మాట్లాడటంలో దిట్ట అయిన ట్రంప్ రోగం.. పలాడినోకు సోకినట్లుంది. 

పలాడినోకు భార్య, ముగ్గురు పిల్లలు ఉన్నారు. మూడో కొడుకు పాట్రిక్ 2009లో జరిగిన ఓ యాక్సిడెంట్‌లో మరణించాడు. ఓ మహిళా ఉద్యోగినితో అక్రమ సంబంధం పెట్టుకున్న ఫలితంగా పలాడినో ఓ కూతురికి తండ్రి కూడా అయ్యాడు. ఇప్పుడామె టీనేజర్. అందుకే ఒబామా దంపతులకు విమర్శనాస్త్రాలను సంధించాడు. 

వచ్చే కొత్త సంవత్సరంలో ఒబామా.. ఆవులకు వచ్చే అరుదైన వ్యాధితో మరణించాలని, మిషెల్లీ ఆఫ్రికాలోని జింబాబ్వేలో గల గుహల్లో మేక్సీ అనే మగ గొరిల్లాతో కలిసి జీవించాలని కోరుకుంటున్నానని పలాడినో ఓ ఇంటర్వ్యూలో చెప్పాడు. ఇలాంటి వివాదాస్పద వ్యాఖ్యలు తానే చేశానని కూడా స్వయంగా ఒప్పుకున్నాడు. 

2010లో న్యూయార్క్ గవర్నర్ పదవికి పోటీ చేసి ఓడిపోయిన పలాడినో.. ట్రంప్ ఎన్నికల ప్రచారంలో ఆయనకు మద్దతుగా విస్తృత ప్రచారం చేశాడు.  కాగా.. ఒబామాపై తీవ్ర వ్యాఖ్యలు చేసిన ఇతనిపై అనేకమంది మండిపడుతున్నారు. తన కామెంట్స్‌ను ఉపసంహరించుకోవాలని, బేషరతుగా క్షమాపణలు చెప్పాలని డిమాండ్ చేస్తున్నారు.