సోషల్ మీడియాలో వేచ్చే ఛాలెంజ్‌లను కొందరు యువతీయువకులు నిజ జీవితంలో చేస్తూ ప్రాణాల మీదికి తెచ్చుకుంటున్నారు. తాజాగా ఓ యువతి మొక్కజొన్న డ్రిల్ ఛాలెంజ్‌లో పాల్గొని జుట్టు ఊడగొట్టుకుంది. ఈ ఘటన చైనాలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే,
@ZerolQPeople అనే ట్విటర్ హ్యాండిల్లో షేర్ అయిన ఓ వీడియోలో యువతి రొటేటింగ్ కార్న్ చాలెంజ్‌ను స్వీకరించింది. ఇందులోభాగంగా, మొక్కజొన్నను డ్రిల్ మెషిన్‌కు గుచ్చి దానిని ఆన్ చేస్తారు. అది తిరుగుతుంటే నోటితో మొక్కజొన్న తినడం ఈ ఛాలెంజ్. ఈ ఛాలెంజ్ ప్రయత్నించి చాలా మంది పళ్లు రాలగొట్టుకున్న సంఘటనలు అనేకం ఉన్నాయి.
అయితే, తాజాగా చైనాకు ఈ యువతి.. ఈ సవాల్‌లు పాల్గొని, జుట్టు ఊడగొట్టుకుంది. సదరు యువతి డ్రిల్ మెషిన్‌లో మొక్కజొన్న అమర్చి స్విచ్ ఆన్ చేసింది. మెషిన్ తిరుగుతుండగా మొక్కజొన్నను తినడానికి ప్రయత్నించింది. ఇంతలో ఆమె తల వెంట్రుకలు కొన్ని డ్రిల్ మిషన్‌లో ఇరుక్కుని పోయాయి. దాంతో ఆ డ్రిల్ మెషిన్ ఆమె ముందరి భాగంలో ఉన్న జుట్టును లాగేసింది. జుట్టు ఊడిన భాగంలో రక్తస్రావం కూడా అయింది. ఈ వీడియో సోషల్ మీడియాలో వైరల్‌గా మారింది. 17 వేల మందికి పైగా ఈ వీడియోను వీక్షించారు.