గమ్ బాల్స్ చోరీ కోసం వచ్చి... ఈ దొంగ పడిన పాట్లు చూడతరమా? (Video)
ఓ దొంగ గమ్ బాల్స్ చోరీ కోసం వచ్చాడు. వాటిని చోరీ చేసే క్రమంలో ఆ దొంగపడిన పాట్లు అన్నీఇన్నీకావు. దానికి సంబంధించిన వీడియోను చూస్తే కడుపుబ్బ నవ్వాల్సిందే.
ఓ దొంగ గమ్ బాల్స్ చోరీ కోసం వచ్చాడు. వాటిని చోరీ చేసే క్రమంలో ఆ దొంగపడిన పాట్లు అన్నీఇన్నీకావు. దానికి సంబంధించిన వీడియోను చూస్తే కడుపుబ్బ నవ్వాల్సిందే. ఈ వివరాలను పరిశీలిస్తే, యూఎస్‌లోని కాలిఫోర్నియాలో ఓ యానిమల్ షెల్టర్ ఉంది. అక్కడ యానిమల్స్ కోసం ఓ ఫండింగ్ మిషన్ ఉంటుంది. దాని మీద కొన్ని గమ్‌బాల్స్ కూడా ఉన్నాయి.
ఎవరైనా యానిమల్స్ కోసం ఫండ్ ఇవ్వాలనుకుంటే ఆ మిషన్‌లో వేయాలి. వాళ్లకు ఓట్ ఆఫ్ థాంక్స్‌లాగా అక్కడ గమ్ బాల్స్ ఉంటాయి. వాటిని తీసుకోవచ్చు. అయితే, ఆ గమ్‌బాల్ మిషన్‌పై ఓ వ్యక్తి కన్ను పడింది. ఓ రోజు అర్థరాత్రి షెల్టర్ తలుపులు పగులగొట్టి మరీ లోపలికి వచ్చి ఆ మిషన్‌ను ఎత్తుకెళ్లడానికి తెగ ప్రయత్నించాడు.
కానీ.. దాన్ని తీసుకెళ్లే మార్గం మాత్రం దొరకలేదు. దాన్ని దొంగతనం చేయడానికి మనోడు పడిన పాట్లన్నీ ఆ యానిమల్ షెల్టర్‌లో ఉన్న సీసీటీవీ కెమెరాలో రికార్డయ్యాయి. దీంతో పోలీసులు ఆ వీడియోను సోషల్ మీడియాలో పోస్ట్ చేసి ఆ దొంగను పట్టించేందుకు సహాయం చేయాలని కోరారు. ఇక.. ఆ వీడియో సోషల్ మీడియాలో వైరల్‌గా మారింది.