గత రెండు దశాబ్దాల్లో అత్యంత శక్తిమంతమైన మహిళ మార్గరెట్ థాచర్ అత్యంత శక్తిమంతురాలైన మహిళ అని బ్రిటిషర్లు ప్రశంసిస్తున్నారు. బ్రిటన్‌లో నిర్వహించిన సర్వేలో బ్రిటన్లు ఈ తీర్పునిచ్చారు. బ్రిటిష్ పెన్షన్స్ అండ్ ఇన్సూరెన్స్ సంస్థ స్కాటిష్ విడోస్ ఈ సర్వేను నిర్వహించింది.
ఈ సర్వేలో మార్గరెట్ థాచర్‌కు 28 శాతం, శాస్త్రవేత్త మేరీ క్యూరీకి 24 శాతం మద్దతు లభించింది. ప్రిన్సెస్ డయానాకు 17 శాతం, మహిళా హక్కుల ఉద్యమకారిణి ఎమ్మెలిన్ పంఖుర్ట్స్‌కు 16 శాతం మద్దతు దక్కింది. మొదటి 10 స్థానాల్లో నిలిచినవారిలో మదర్ థెరిసా, ఫ్లోరెన్స్ నైటింగేల్, క్వీన్ విక్టోరియా, అమెరికా పౌర హక్కుల ఉద్యమకారిణి రోసా పార్క్స్, అమెరికా టెలివిజన్ హోస్ట్ విన్‌ఫ్రే ఓప్రా ఉన్నారు.
మార్గరెట్ థాచర్ బ్రిటన్ మొదటి, ఇప్పటి వరకు ఏకైక మహిళా ప్రధాన మంత్రి. ఆమె నాయకత్వంలో కన్జర్వేటివ్ పార్టీ మూడు ఎన్నికల్లో విజయం సాధించింది. 150 ఏళ్ల బ్రిటన్ చరిత్రలో సుదీర్ఘకాలం ప్రధాన మంత్రి పదవిని నిర్వహించిన ఏకైక వ్యక్తి థాచర్. ఆమె 2013 ఏప్రిల్‌లో కన్నుమూశారు.