వైద్య చరిత్రలో సరికొత్త అద్భుతం ఆవిష్కృతమైంది. ప్రాణాంతక వ్యాధి ఎయిడ్స్‌కు మందు లభించింది. స్టెమ్ సెల్స్‌తో ఎయిడ్స్‌కు నయం చేయవచ్చని అమెరికాకు చెందిన ఓ మహిళా వైద్యురాలు నిరూపించారు. పైగా, తొలిసారి ఓ మహిళను ఎయిడ్స్ నుంచి విముక్తి చేశారు.
గత కొన్నేళ్లుగా ప్రపంచాన్ని ఎయిడ్స్ వ్యాధి భయపెడుతోంది. దీనిబారినపడి అనేక ప్రాణాలు కోల్పోతున్నారు. ఎయిడ్స్‌కు మందు కనిపెట్టేందుకు ప్రపంచ వ్యాప్తంగా విశేషంగా పరిశోధనలు సాగుతున్నాయి. ఈ క్రమంలో అమెరికాకు చెందిన వైద్య బృందం ఎయిడ్స్‌కు మందు కనిపెట్టింది.
మూలకణాల మార్పిడి (స్టెమ్ సెల్స్) చికిత్స ద్వారా ఎయిడ్స్‌ను నయం చేయవచ్చని నిరూపించారు. ఓ మహిళను ఎయిడ్స్ వ్యాధి నుంచి పూర్తిగా రక్షించారు. దీంతో మానవ చరిత్రలో ఎయిడ్స్ నుంచి సంపూర్ణంగా నయమైన మూడో పేషెంట్‌గా ఈ మహిళ ఖ్యాతికెక్కారు.