సింగపూర్‌లో 13 మంది భారతీయుల్లో జికా వైరస్‌ లక్షణాలు

ప్రపంచానికి ఇప్పుడు మరో వైరస్‌ భయం పట్టుకుంది. స్వైన్ ఫ్లూ, చికెన్‌గున్యా, బర్డ్‌ఫ్లూ, డెంగ్యూ, ఎబోలా గురించి మరిచిపోకముందే జికా వైరస్‌ ఇప్పుడు అన్ని దేశాలను గడగడలాడిస్తోంది. ఎందరినో చుట్టుముడుతున్నాయ

ప్రపంచానికి ఇప్పుడు మరో వైరస్‌ భయం పట్టుకుంది. స్వైన్ ఫ్లూ, చికెన్‌గున్యా, బర్డ్‌ఫ్లూ, డెంగ్యూ, ఎబోలా గురించి మరిచిపోకముందే జికా వైరస్‌ ఇప్పుడు అన్ని దేశాలను గడగడలాడిస్తోంది. ఎందరినో చుట్టుముడుతున్నాయి. ఎంతో మంది ఉసురు తీసుకుంటున్నాయి. అయితే ఊరట కలిగించే అంశం ఏమిటంటే... ఇప్పటికింకా భారత్‌లో జికా వైరస్‌కు సంబంధించి ఒక్క కేసూ నమోదు కాలేదు. 

ఇప్పటికే అమెరికా, బ్రెజిల్‌ లాంటి దేశాలను గడగడలాడించిన జికా వైరస్‌ ఇప్పుడు సింగపూర్‌ను వణికిస్తోంది. ఇప్పటికే వందల మందికి ఈ జికా వైరస్‌ ఉన్నట్లు అక్కడి వైద్యులు నిర్ధారించారు. కాగా జికా సోకినవారిలో 13 మంది భారతీయులు ఉన్నారని భారత విదేశాంగ శాఖ వెల్లడించింది. 

సింగపూర్‌లో 13 మంది భారతీయులకు జికా వైరస్‌ ఉన్నట్లు తేలిందని విదేశాంగశాఖ అధికార ప్రతినిధి వికాస్‌ స్వరూప్‌ తెలిపారు. దోమల ద్వారా వ్యాపించే జికాను సింగపూర్‌లో తొలిసారిగా కొంతమంది నిర్మాణ కూలీల్లో గుర్తించారు. 

అనంతరం దేశవ్యాప్తంగా 115 మందికి ఈ వైరస్‌ సోకినట్లు తేలింది. ఓ గర్భిణిలోనూ జికా లక్షణాలు కన్పించడంతో ఆమెకు ప్రత్యేక చికిత్స అందిస్తున్నారని అధికారులు తెలిపారు. గర్భిణిలకు ఈ వైరస్‌ సోకితే.. పుట్టే పిల్లలు సాధారణం పరిమాణం కంటే చిన్న తలతో జన్మిస్తారని వైద్యులు అంటున్నారు.