మానవ తప్పిదం కారణంగా మెక్సికోలో దాదాపు 124 మొసళ్లు ప్రాణాలు కోల్పోయాయి. వివరాలలోకి వెళితే మొత్తం 350 మొసళ్లను ట్రక్కులో తరలిస్తుండగా అవి ఊపిరి ఆడక ప్రాణాలు కోల్పోయినట్లు తెలుస్తోంది. కరేబియన్ తీరానికి చెందిన ఓ కంపెనీ ఆ ఈ మొసళ్లను తరలిస్తోంది.
సినలోవా నుంచి చెటుమాల్ పట్టణానికి మొసళ్లను తరలిస్తున్నారు. ఈ రెండు ప్రాంతాల మధ్య సుమారు 2600 కిలోమీటర్ల దూరం ఉంటుంది. అంత దూరం సరైన రీతిలో మొసళ్లను తరలించకపోవడం వల్లే 124 జీవాలు ప్రాణం విడిచి ఉంటాయని వన్యపాణి సంస్థ అధికారి తెలిపారు. ఆ కంపెనీపై పర్యావరణశాఖ వన్యప్రాణి చట్టం ప్రకారం భారీ జరిమానా విధించే అవకాశాలున్నాయి.