గోంగూర రొయ్యల పులుసు

కావల్సిన వస్తువులు:

గోంగూర - ఒక కప్పు,

రొయ్యలు - పావుకప్పు,

నెయ్యి - నాలుగు స్పూన్లు

టమాటాలు - మూడు పెద్దవి

అల్లంవెల్లుల్లి పేస్ట్ - ఒక టీ స్పూన్

ఉల్లిపాయలు - రెండు,

పచ్చిమిర్చి, ఎండుమిర్చి - నాలుగు,

తాలింపు గింజలు - అన్నీ కలిపి కొద్దిగా,

ధనియాలపొడి - అరటీస్పూన్

పసుపు - అర టీ స్పూన్న

కారం - రెండు చెంచాలు,

ఉప్పు - రుచికి తగినంత,

కరివేపాకు, కొత్తిమీర - గార్నిషింగ్ కోసం.

తయారు చేయండి ఇలా :

గోంగూరను బాగా కడిగి ఉడికించి పెట్టుకోవాలి. పాన్‌లో నెయ్యి, శుభ్రం చేసిన రొయ్యల్ని వేసి బాగా వేయించాలి. ఈ వేయించిన రొయ్యల్ని నెయ్యి లేకుండా విడిగా తీసిపెట్టుకోవాలి. ఈ మిగిలిన నెయ్యిలో ఎండుమిర్చి, తాలింపుదినుసులు ఉల్లిపాయముక్కలు, కరివేపాకు పచ్చిమిర్చి వేసి వేయించాలి. అవి వేగాక అల్లం వెల్లుల్లి మిశ్రమం ఆ తరువాత టమాటా ముక్కలు చేర్చాలి. ఆ తరువాత ఉడికించి పెట్టుకున్న గోంగూర, కాస్త పసుపు, ఉప్పు, కారం వేసి మూతపెట్టాలి. మరికాసేపయ్యాక ధనియాలపొడి, వేయించిన రొయ్యల్ని చేర్చాలి. ఐదారునిమిషాలయ్యాక కొత్తిమీర చల్లి దింపేస్తే సరిపోతుంది. అంతే ఎంతో రుచికరమైన గోంగూర రొయ్యల కూర సిద్ధం అయినట్టే.