ఆకలిగా లేదా... ఈ మూడు తీసుకుంటే తెగ తింటారు....

కొందరికి ఆకలి లేకుండా ఉంటుంది. భోజనం వేళకు చేయాలని అనుకున్నా ఆకలి లేకపోవడంతో చేయలేకుండా ఉంటారు. ఇలాంటివారు పెరటి వైద్యాన్ని అనుసరిస్తే సరిపోతుంది. బాగా ఆకలిని పెంచేవాటిలో నిమ్మరసం ఒకటి.

జీర్ణక్రియకు ఇది చాలా మంచిది. శరీరంలోని హానికర వ్యర్థాలను బయటకు పంపిస్తుంది. ఆకలి మందగించినవారు గ్లాసు మంచినీళ్లలో కాస్త నిమ్మరసం పిండి, అందులో కొద్దిగా తేనె, ఉప్పు కలిపి తీసుకుంటే ఆకలివేస్తుంది. 

మరొకటి ఖర్జూరం. ఆకలి లేక బాగా ఇబ్బందిపడేవారు ఖర్జూర రసాన్ని తీసుకోవచ్చు. ప్రతిరోజూ నాలుగైదు ఖర్జూరాలు తీసుకుంటుంటే సమస్య తగ్గుతుంది. ఇంకొకటి అల్లం. వికారం, అజీర్తి వంటివి ఇబ్బందిపెడుతున్నప్పుడు అల్లం మంచి పరిష్కారాన్ని సూచిస్తుంది. ప్రతిరోజూ సన్నగా తరిగిన కొన్ని అల్లం ముక్కల్ని దవడన పెట్టుకుని నమిలి మింగుతూ ఉండాలి. ఇలా చేయడం వల్ల జీర్ణవ్యవస్థ పనితీరు మెరుగుపడుతుంది. ఆకలి బాగా వేస్తుంది.