ఈ నెల 5 నుంచి పోస్టాఫీసుల్లో తిరుమల దర్శనం టికెట్లు

తిరుమల శ్రీవారి దర్శనం టికెట్లను ఈ నెల 5 నుంచి పోస్టాఫీసుల్లో అందుబాటులో ఉంటాయని చీఫ్ పోస్ట్‌మాస్టర్ జనరల్ బీవీ సుధాకర్ తెలిపారు. ‘పిడికెడు బియ్యం’ పథకం కింద పోస్టల్ సిబ్బంది సేకరించిన బియ్యాన్ని శుక్రవారం ఆయన హైదరాబాద్ నగరంలోని వృద్ధాశ్రమానికి అందజేశారు.

ఈ సందర్భంగా మాట్లాడుతూ, ఆంధ్రప్రదేశ్ లోని 56, తెలంగాణలోని 39 ప్రధాన తపాలా కార్యాలయాల్లో టికెట్లు అందుబాటులో ఉంటాయని అన్నారు. తిరుమల తిరుపతి దేవస్థానం ఈ మేరకు టికెట్లను తమకు కేటాయించినట్లు ఆయన వెల్లడించారు. పోస్టాఫీసుల్లో రూ.300 చెల్లించి ఆ టికెట్లను పొందవచ్చునని చెప్పారు. తరువాత నిర్ణయించిన సమయం మేరకు దర్శనానికి తిరుమలకు వెళ్ళితే టికెట్లు ఉన్న భక్తులకు దర్శనం లభిస్తుందని చెప్పారు. 

గాంధీనగర్ పోస్టాఫీస్ సిబ్బంది సేకరించిన 50 కేజీల బియ్యాన్ని కానూరులోని వృద్ధాశ్రమానికి అందజేశారు. ఈ కార్యక్రమంలో విజయవాడ రీజియన్ పోస్ట్‌మాస్టర్ జనరల్ సంపత్‌కుమార్, సిబ్బంది పాల్గొన్నారు.