స్కూలుకు వెళ్లే పిల్లలు బ్రేక్ టైంలో తినేందుకు స్నాక్స్ బాక్స్ సిద్ధం చేసే సమయంలో జాగ్రత్తలు తీసుకోవాల్సిన అవసరం ఎంతైనా ఉంది. స్నాక్స్ బాక్స్లో నూనెలు అధికంగా ఉండే తినుబండారాలను పెట్టకండి. తద్వారా పిల్లలకు అజీర్తి కలిగి వాంతులు, విరేచనాలు ఏర్పడే ప్రమాదం ఉంది.
స్నాక్స్ టైమ్లో పిల్లలు తినేందుకు శక్తివంతమైన ఆపిల్, అరటి వంటి పళ్లను శుభ్రం చేసి, ముక్కలుగా తరిగి బాక్స్లో పెట్టి పంపించండి. అప్పుడు పిల్లలు ఎటువంటి ఇబ్బంది బడకుండా శుభ్రంగా తింటారు.
స్నాక్స్ టైమ్ కోసం జ్యూస్లు, మిల్క్ షేక్లు వంటివి పంపించకండి. వాటిని పిల్లలు దుస్తులపైన పోసుకునే ప్రమాదం ఉంది. పంపించే స్నాక్స్ మోతాదు మించకుండా చూసుకోవాలి. ఎందు కంటే స్నాక్స్ ఎక్కువగా తినేస్తే మధ్యాహ్నం భోజనం చేయరు.
పిల్లల స్నాక్స్ టైమ్ కోసం ఎట్టి పరిస్థితిలోను దుకాణాలలో చిక్కే ఫ్యాకేజ్డ్ తినుబండారాలను పంపకండి. అవి ఆరోగ్యానికి హాని కలిగిస్తాయి. అవి ఎక్కువ కాలం నిలవ ఉండేందుకు రసాయనాలను వీటిల్లో ప్రిజర్వేటివ్స్గా ఉపయోగిస్తారు.