రాత్రి మేల్కొని ఉంటే ఎలాంటి ఆహారం? పెరుగు - అరటిపండు కలిపి తీసుకుంటే...
తెల్లవారి లేచింది మొదలు రాత్రి నిద్రకు వెళ్లే ముందువరకు ఎన్నో రకాల ఆహారాన్ని తీసుకుంటుంటాం. ఉదయం అల్పాహారం, మధ్యాహ్నం, రాత్రి వేళ భోజనం ఎక్కువ మంది అనుసరించే విధానం. కానీ, కొందరు తమకునచ్చినట్టు, వీలైన
తెల్లవారి లేచింది మొదలు రాత్రి నిద్రకు వెళ్లే ముందువరకు ఎన్నో రకాల ఆహారాన్ని తీసుకుంటుంటాం. ఉదయం అల్పాహారం, మధ్యాహ్నం, రాత్రి వేళ భోజనం ఎక్కువ మంది అనుసరించే విధానం. కానీ, కొందరు తమకునచ్చినట్టు, వీలైన వేళల్లో ఆహారం తీసుకుంటుంటారు. మరికొందరిలో ఏది పడితే అది, ఎప్పుడు పడితే అప్పుడు తినే అలవాటు ఉంటుంది. ఇంకొందరు రాత్రి వేళల్లో మేల్కొని... ఆసమయంలో తమకు అందుబాటులో ఉన్న ఆహారాన్ని తీసుకుంటారు.
అయితే, ఇలాంటివారు ఎలాంటి ఆహారాన్ని తీసుకోవాలన్న అంశంపై పరిశీలిస్తే.. సాధారణంగా అధిక పని కారణంగా రాత్రి నిద్రపోయే అవకాశం ఉండదు. లేదంటే మద్యపానం వల్ల ఉదయం లేచేసరికి తల పట్టేసినట్టుగా అనిపించింది. అప్పుడు ఏం చేయాలి...? ఇలాంటి సమయంలో టమోటా జ్యూస్ తీసుకోవాలి. ఇది శరీరం కోల్పోయిన నీటిని, ఎలక్ట్రోలైట్స్‌ను తిరిగి భర్తీ చేస్తుంది.
అలాగే, రాత్రంతా సరిగా నిద్రపట్టకుంటే మర్నాడు ఉదయం బలహీనంగా, నీరసంగా అనిపించడం సహజం. రాత్రిసరిగా నిద్ర లేకపోవడం వల్ల ఆకలి పెరిగిపోయి బాగా తినాలనిపిస్తుంది. ఇలాంటివారు డ్రై ఫ్రూట్స్ లేదా నట్స్ తీసుకోవడం ఉత్తమం. లేదంటే లీన్ మీట్ తీసుకోవాలి. దీంతో ఆకలి నెమ్మదిస్తుంది. లేదంటే పెరుగుకు అరటిపండు కలిపి తీసుకున్నప్పటికీ మంచిదే.