వేసవి కాలం వచ్చేసింది. మన దాహాన్ని తీర్చకోవడానికి ఫ్రిజ్‌లో కూల్ డ్రింక్స్, మంచినీరు ఎక్కువగా వాడుతుంటాము. చల్లనివి తాగేటప్పుడు బాగానే ఉంటాయి కానీ మన ఆరోగ్యానికి చాలా నష్టం చేకూరుస్తాయి. వేసవిలో విరివ
వేసవి కాలం వచ్చేసింది. మన దాహాన్ని తీర్చకోవడానికి ఫ్రిజ్‌లో కూల్ డ్రింక్స్, మంచినీరు ఎక్కువగా వాడుతుంటాము. చల్లనివి తాగేటప్పుడు బాగానే ఉంటాయి కానీ మన ఆరోగ్యానికి చాలా నష్టం చేకూరుస్తాయి. వేసవిలో విరివిగా దొరికే చెరుకురసంతో దాహం తీరడమే కాదు శరీరానికి అవసరమైన పోషకాలు కూడా అందుతాయి. శక్తినిచ్చే ఈ వేసవి పానీయానికి మేలు చేసే గుణాలు ఎన్నో ఉన్నాయి. అవేంటో చూద్దాం.
1. చెరుకు రసం స్పోర్ట్స్ డ్రింక్‌గా కూడా ఉపయోగపడుతుంది. ఆటల వల్ల వచ్చే అలసటను దూరం చేసే మెగ్నీషియం, పొటాషియం, ఫాస్పరస్ కాల్షియం చెరుకు రసంలో ఉంటాయి.
2. చెరుకు రసంలో సుక్రోజ్ రూపంలో ఉండే చక్కెరను శరీరం తేలికగా జీర్ణం చేసుకుంటుంది. కాబట్టి చెరుకు రసం తాగగానే తక్షణ శక్తి చేకూరుతుంది. డీహైడ్రేషన్ బారిన పడ్డప్పుడు చెరుకు రసం తాగితే త్వరగా కోలుకుంటారు.
3. చెరుకు రసంలో గ్లైసెమిక్ ఇండెక్స్ చాల తక్కువ. కాబట్టి మధుమేహం ఉన్నవారు కూడా చెరుకు రసం తాగొచ్చు. దీనిలోని సుక్రోజ్ దంత క్షయాన్ని కూడా నివారిస్తుంది.
4. క్యాన్సర్ రాకుండా నియంత్రించే ప్లేవనాయిడ్స్ చెరుకు రసంలో ఉంటాయి. ఈ యాంటీ ఆక్సిడెంట్లు క్యాన్సర్ కణాలు విస్తరించకుండా చేయడంతో పాటు వాటితో పోరాడి నాశనం చేస్తాయి. చెరుకు రసంలోని ఫ్లేవనాల్ ఒంట్లోని ఫ్రీ ర్యాడికల్స్‌ని పారదోలి కాలేయ వ్యాధులు, కామెర్ల నుంచి కాలేయానికి రక్షణ కల్పిస్తాయి.
సబ్జా గింజల్లో వుండే ఆరోగ్య రహస్యాలేమిటో వీడియోలో చూడండి.