అధిక కొవ్వుకు అవిసెనూనె బెస్ట్.. ఆహారంలో చేర్చుకోండి..

అధిక కొవ్వుకు అవిసెనూనె బెస్ట్.. ఆహారంలో చేర్చుకోండి అంటున్నారు ఆరోగ్య నిపుణులు. అవిసె నూనెతో శరీరానికి హానిచేసే తక్కువ సాంద్రత కలిగిన కొవ్వు అంటే ఎల్డీఎల్ త్వరగా కరిగిపోతుంది. అందుకే వారానికి మూడు సా

అధిక కొవ్వుకు అవిసెనూనె బెస్ట్.. ఆహారంలో చేర్చుకోండి అంటున్నారు ఆరోగ్య నిపుణులు. అవిసె నూనెతో శరీరానికి హానిచేసే తక్కువ సాంద్రత కలిగిన కొవ్వు అంటే ఎల్డీఎల్ త్వరగా కరిగిపోతుంది. అందుకే వారానికి మూడు సార్లు లేదా రోజువారీ ఆహారంలో అవిసె నూనెను తీసుకోవడం ద్వారా బరువు తగ్గవచ్చునని ఆరోగ్య నిపుణులు అంటున్నారు. 

అలాగే బరువు తగ్గాలంటే... రోజుకి ఆరు నుంచి 8 గ్లాసుల నీరు తాగడం మంచిది. ఇది జీవక్రియల వేగాన్ని పెంచి శరీరం నుంచి విష పదార్థాలు, అధిక కొవ్వును తొలగించటానికి తోడ్పడుతుంది. భోజనానికి ముందు చల్లటి నీరు తాగితే జీర్ణాశయం కుంచించుకుపోయి కొంచెం తినగానే కడుపు నిండిన భావన కలుగుతుంది.

ఇంకా భోజనానికి ముందు రెండు గ్లాసుల నీరు తాగితే ఒబిసిటీని దూరం చేసుకోవచ్చు. ఒకేసారి ఎక్కువగా తినటం కన్నా కొంచెం కొంచెంగా రోజుకి 4-6 సార్లు ఆహారం తీసుకోవటం మంచిది. క్రమం తప్పకుండా ఆహారం తీసుకోకపోతే జీవక్రియలు మందగించి, కొవ్వు పేరుకుపోవటానికి దారి తీస్తుంది.

ఉదయం పూట అల్పాహారం తప్పకుండా తీసుకోవాలి. తొలిసారి తీసుకునే ఈ అల్పాహారం రోజంతా జరిగే జీవక్రియల పద్ధతిని గాడిలో పెడుతుంది. ఆలస్యంగా అల్పాహారం తీసుకుంటే.. కేలరీల ఖర్చు విషయంలో చాలా సమయం వేస్టయినట్లే. బిస్కట్లు, బ్రెడ్‌, చాక్లెట్లు, ఫాస్ట్‌ఫుడ్‌, వేపుళ్లు, కేకుల వంటి వాటిల్లో ట్రాన్స్‌ఫ్యాట్స్‌ ఉంటాయి.

ఇవి రక్తంలో కొలెస్ట్రాల్‌ను పెంచి హాని చేస్తాయి. మంచి కొలెస్ట్రాల్‌ మోతాదునూ తగ్గిస్తాయి. కాబట్టి వీటి జోలికి వెళ్లకపోవటమే మంచిది. క్రమం తప్పకుండా వ్యాయామం చేయటం ఎంతో అవసరం. రోజుకి కనీసం రెండు లేదా మూడు కిలోమీటర్లు నడవాలని ఆరోగ్య నిపుణులు అంటున్నారు.