ఒక చెంచాడు గోరింటాకు రసాన్ని తాగితే ఏమవుతుంది?

తెలుగువారు కన్నెపడుచుల చేతిపంట గోరింట ఆషాఢ మాసం వచ్చిందంటే చాలు ఆడపిల్లలంతా ముందు గోరంట కోసం ఎదురు చూస్తూ వుంటారు. ముఖ్యంగా యుక్తవయస్కులు అయిన వారు, పిల్లలు ఆషాఢ మాసంలో పుట్టింటికి వచ్చిన కొత్త పెళ్ళికూతుళ్ళు గోరింటాకును ఆనందంగా పెట్టుకొనే వారు. ఇప్ప

తెలుగువారు కన్నెపడుచుల చేతిపంట గోరింట ఆషాఢ మాసం వచ్చిందంటే చాలు ఆడపిల్లలంతా ముందు గోరంట కోసం ఎదురు చూస్తూ వుంటారు. ముఖ్యంగా యుక్తవయస్కులు అయిన వారు, పిల్లలు ఆషాఢ మాసంలో పుట్టింటికి వచ్చిన కొత్త పెళ్ళికూతుళ్ళు గోరింటాకును ఆనందంగా పెట్టుకొనే వారు. ఇప్పుడు గోళ్ళకు కృత్రిమంగా తయారుచేసిన రంగుల్ని, గోరింటాకును వాడుతున్నారు. 

ఒకప్పుడు గోరంటాకునే ఆందంగా గోళ్ళకు పెట్టుకొనేవారు. గోరింటాకులో ఔషధ గుణాలు కూడా ఉన్నాయి. వేళ్ళ మధ్య ఇన్‌పెక్షన్ వచ్చినపుడు, గోరు పుచ్చిపోతుంటే తరచుగా గోరింటాకు నూరి పెట్టుకుంటే వ్యాది తగ్గిపోతుంది. అరికాళ్ళు మంటగా ఉన్నపుడు గోరింటాకును మెత్తగా నూరి వాటిపై వ్రాస్తే అరికాళ్ళమంట తగ్గుతుంది.

వేడిచేసినపుడు వచ్చే సెగ గడ్డలు వచ్చినపుడు ఈ సమయంలో గోరంటాకును మెత్తగా నూరి సెగ గడ్డలపైన రాస్తే గడ్డలు పగిలి చీము బయటకు వచ్చి నొప్పి తగ్గుతుంది. పుండు కూడా త్వరగా మానుతుంది. కీళ్ళనోప్పులుంటే గోరింటాకును నూరి కీళ్ళకు పట్టు వేస్తే తగ్గుతుంది.

మూత్రము వెంట వీర్యము పోయినపుడు గోరింటాకు రసాన్ని రోజుకు ఒకసారి ఒక చిన్న చెంచాడు త్రాగుతుంటే తగ్గుతుంది. తలలో చుండ్రువున్నా, జుట్టు రాలిపోతున్నా, చిన్న వయస్సులో వెంట్రుకలు తెల్లబడుతున్నా, జుట్టు వత్తుగా పెరగాలన్నా, గోరింటాకును వాడటం మంచిది.

గోరింటాకును మెత్తగా నూరి ఒక ఇనుప మూకుడులో రాత్రంతా నానబెట్టి తెల్లవారాక తలకు పట్టించాలి. తరువాత తలస్నానం చేయాలి. ఇలా చేయడం వలన జుట్టులో వున్న సమస్యలను నివారించవచ్చు. హెయిర్ డైలు వాడవలసిన అవసరం రాదు. గోరింటాకును వాడడం వలన చేతులుకు అందంమే కాక జుట్టు కూడా అందంగా తయారవుతుంది.