చాలా మంది పళ్ళు పచ్చగా ఉన్నాయని, గారపట్టిపోయాయని ఇబ్బంది పడుతుంటారు. వారు స్వేచ్ఛగా నోరు తెరవాలంటే బిడియపడుతుంటారు. పళ్ళను తెల్లగా తెచ్చుకోవడానికి నానా తంటాలు పడుతుంటారు. అయితే పిసిరంత నిమ్మకాయతో తళతళలాడే పళ్ళను తెచ్చుకోవచ్చు.. అదెలా..?
ఒక గిన్నెలో తాజా నిమ్మకాయను పిండి రసాన్ని తీయాలి. అందులో కొద్దిగా ఉప్పు వేసి కలబెట్టాలి. బ్రషింగ్ చేయడం పూర్తి అయ్యాక ఆ రసాన్ని రెండు సార్లు నోట్లో పోసుకొని ఓ రెండు నిమిషాల పాటు పుక్కిలించి ఊమ్మేయాలి.
ఇలా ఒక వారం రోజుల పాటు చేస్తే చాలు... పళ్ళపై ఉన్న గార లేదా పాచితో ఉప్పు, నిమ్మరసంలోని సిట్రిక్ యాసిడ్‌లు రసాయన చర్యలు జరుపుతాయి. వాటిపై గార లేదా పసుపు పచ్చటి పొర తొలగిస్తాయట. ఇలా చేస్తే వారానికి పళ్లు తళతళా మెరవడం ఖాయం.