ఎప్పుడూ పనులతో బిజీబిజీగా గడుపుతూ ఏదో చేతికందినది తింటూ చర్మ సంరరక్షణపై శ్రద్ద తీసుకునేందుకు టైమ్ లేదంటూ సాకులు చెప్పేస్తుంటారు. అలాంటి వారు ఈ ఐదు సూపర్ ఫుడ్స్ తీసుకుంటే ఆరోగ్యంగా ఉండవచ్చునని నిపుణులు అంటున్నారు.
సాల్మన్ ఫిష్‌లో రిచ్ ఒమెగా-3 ఫ్యాటీ యాసిడ్స్ పుష్కలంగా ఉన్నాయి. ఇవి మీ చర్మాన్ని సూర్య కిరణాల తాకిడి నుంచి కాపాడి స్కిన్‌ను కాంతివంతంగా చేస్తాయి.
చర్మ సౌందర్యానికి పెరుగు సహజసిద్ధమైన ఔషధం. పెరుగును ఆహారంలో క్రమం తప్పకుండా తీసుకోవడం ద్వారా చుండ్రుతో తదితర చర్మ సమస్యలకు చెక్ పెట్టవచ్చు.
టమోటాలను తీసుకోవడం ద్వారా మీ చర్మంపై ముడతలకు చెక్ పెట్టడంతో పాటు స్కిన్ ప్రకాశవంతంగా తయారవుతుంది. చర్మాన్ని, కేశాలను సంరక్షించడంతో టమోటాలు కీలక పాత్ర పోషిస్తాయని న్యూట్రీషన్లు అంటున్నారు. టమోటాలోని యాంటీ-యాక్సిడెంట్స్ చర్మ రక్షణకు ఎంతగానో ఉపయోగపడుతుంది.
గ్రీన్‌ టీలో యాంటీయాక్సిడెంట్స్ మోతాదు అధికంగా ఉంటుంది. ఇది శరీర బరువును పెరగనీయకుండా చేయడంతో పాటు చర్మాన్ని ప్రకాశవంతంగా చేస్తుంది.
కివీస్ ఫ్రూట‌్‌లో సి విటమిన్ దాగివుండటంతో మీ చర్మ రక్షణకు తోడ్పడుతుంది. ఇందులోని యాంటీ యాక్సిడెంట్లు చర్మానికి కాంతిని, నిగారింపు నిస్తుందని ఆరోగ్య నిపుణులు అంటున్నారు.