వేసవిలో చికెన్ తింటే వేడి చేస్తుంది.. ఎందుకని?

వేసవిలో కాకుండా శీతాకాలమైనా, వర్షాకాలమైన చికెన్ తింటే చాలామందికి వేడి చేస్తుంది. అందుకనే చికెన్ అంటే చాలామంది అస్సలు ముట్టుకోరు. అలాగే ప్రోటీన్లు పుష్కలంగా ఉన్న చేపలు, మినుములు, కోడిగుడ్లు వంటివి తీసు

వేసవిలో కాకుండా శీతాకాలమైనా, వర్షాకాలమైన చికెన్ తింటే చాలామందికి వేడి చేస్తుంది. అందుకనే చికెన్ అంటే చాలామంది అస్సలు ముట్టుకోరు. అలాగే ప్రోటీన్లు పుష్కలంగా ఉన్న చేపలు, మినుములు, కోడిగుడ్లు వంటివి తీసుకుంటే శరీరం వేడెక్కేందుకు జీవక్రియలు మామూలు కంటే అదనంగా పనిచేస్తుంది.

అందుకని శరీరం వేడెక్కుతుందనే కారణంగా ప్రోటీన్ ఫుడ్ తినడం మానేయకూడదు. అలా మానేస్తే శరీరానికి కావలసిన శక్తి అందదని ఆరోగ్య నిపుణులు అంటున్నారు. శరీరం వేడి కాకుండా ఉండాలంటే.. ప్రోటీన్లు ఎక్కువగా గల ఆహారం తీసుకునేటప్పుడు ఎక్కువ నీరు తాగాలి.

ప్రొటీన్‌ ఆహారం కండరాల పుష్టికే కాకుండా ఎముకల మీద అదనపు భారం పడి ఆస్గియో ఆర్థరైటిస్‌ వంటి సమస్యలు రాకుండా నిరోధిస్తుంది. వ్యాధినిరోధక శక్తిని పెంచుతుంది. శరీరానికి అవసరమైన ఈ విషయాన్ని గమనించకుండా.. శరీరానికి ఏ కాస్త వేడి చేసినా కొందరు ప్రోటీన్ ఆహారం తీసుకోవడం మానేస్తారు. ఫలితంగా శరీరం నానాటికీ బలహీనపడుతూ వెళుతుంది. 

అందుకే ప్రోటీన్లతో కూడిన ఆహారం తీసుకోవడం మానేస్తే శరీరానికి కావలసిన ప్రోటీన్లు అందవు. నీళ్లతో పాటు నిమ్మనీళ్లు తాగాలి. అయితే ప్రొటీన్‌ ఆహారం తీసుకుంటున్నప్పుడు క్రమం తప్పకుండా ప్రతి రోజూ వ్యాయామం చేయాలి. దీనివల్ల జీవక్రియల అదనపు శ్రమ తగ్గుతుంది. ఇంకా శరీర ఉష్ణోగ్రత మామూలు స్థితిలోనే ఉంటుందని ఆరోగ్య నిపుణులు అంటున్నారు.